Túrkistanda «Tarıhı tańdaý» atty kóshpeli ekskýrsııa ótti
ShYMKENT. QazAqparat - Túrkistan qalasynda QR Tuńǵysh Prezıdenti - Elbasy kitaphanasynyń «N. Nazarbaev: dáýir, tulǵa, qoǵam» kóshpeli kórmesi aıasynda Q.A.ıAsaýı atyndaǵy Halyqaralyq qazaq-túrik ýnıversıtetinde «Tarıhı tańdaý» atty kóshpeli ekskýrsııa ótti. Sharaǵa Elbasy kitaphanasy dırektorynyń orynbasary Ámirhan Rahymjanov pen oblys ákiminiń orynbasary Ulasbek Sádibekov, sondaı-aq ýnıversıtettiń oqytýshylar quramy men stýdentter qatysty, dep habarlaıdy QazAqparat tilshisi.
Elbasy kitaphanasynyń «Tarıhı tańdaý» kóshpeli ekskýrsııa kórmesin tamashalaýǵa Túrkistan jurtshylyǵy belsene qatysty. Kelýshilerge N.Á.Nazarbaevtyń komsomol-metallýrgten bastap, QazKSR Mınıstrler Keńesiniń tóraǵasy, Qazaqstan KP OK birinshi hatshysy, Joǵarǵy Keńes tóraǵasy jáne QR Tuńǵysh Prezıdentine deıingi eńbek joly jaıly baıandaıtyn mańyzdy materıaldar usynyldy. Sondaı-aq, jurtshylyq nazaryna Prezıdenttiń sırek kezdesetin beıneshejire kadrlary men fotosýretter kórsetildi. Basqosýda sóz alǵan Ámirhan Rahymjanov qazaq halqynyń tarıhymen tyǵyz baılanysty kóne shahardyń biri - qasıetti Túrkistan qalasynda kóshpeli kórme jobasyn jalǵastyrý - úlken mańyzǵa ıe ekendigin aıtty. 
«Elbasymyz rýhanı jańǵyrýdyń jańa belesterin bastaǵany barshamyzǵa aıan. «N. Nazarbaev: dáýir, tulǵa, qoǵam» kóshpeli kórmesi aıasynda Túrkistan qalasynda ekskýrsııamyzdy uıymdastyryp otyrmyz. Osy materıaldardy jınaqtap, zerttep, zerdelep, muqııat saqtap otyrǵan jalǵyz mekeme - QR Tuńǵysh Prezıdenti - Elbasynyń kitaphanasy. Memleket basshysynyń táýelsiz Qazaqstannyń qalyptasýyndaǵy sheshýshi rólin jan-jaqty kórsetetin bul joba búkil el turǵyndarynyń nazaryna usynylyp keledi. Elbasynyń Táýelsiz Qazaqstan taǵdyryndaǵy qaıratkerligin muraǵat qujattary men jádigerler arqyly júıeli túrde keńinen nasıhattaıtyn bul kóshpeli jobanyń mańyzy zor», - dedi Ámirhan Muratbekuly.
Ońtústik Qazaqstan oblysy ákiminiń orynbasary Ulasbek Sádibekov is-sharany uıymdastyrýshylarǵa alǵysyn bildirip, kóshpeli ekskýrsııanyń mańyzdylyǵyna toqtaldy.
«Elbasymyzdyń qaıratkerlik jolyndaǵy barlyq mańyzdy qujattary toptastyrylǵan bul kórmeniń orny erekshe. Óskeleń urpaqqa úlken tálim, taǵylym, jiger syılaıtyny anyq. Mundaı sharanyń bizdiń óńirde ótip jatqandyǵy qýantady», - dedi Ulasbek Sádibekuly.
