Túrkistanda tarıhı sáýlet úlgisindegi shyǵys monshasy ashyldy

TÚRKІSTAN. QazAqparat – Túrkistanda tarıhı sáýlet úlgisindegi shyǵys monshasy ashyldy. Tarıhı qalanyń kelbetine kórik berip turǵan shyǵys monshasynyń jalpy aýmaǵy 3000 sharshy metrden asady, dep habarlaıdy QazAqparat tilshisi.

Ótken jyly irgetasy qalanǵan nysan - Qyzylorda oblysynyń Túrkistanǵa tartýy sanalady.

Oblys ortalyǵyn kóriktendirý men abattandyrý, qurylys jumystary óńir basshysy Ómirzaq Shókeevtiń tikeleı baqylaýynda.

Aımaq basshysy búgin shahardaǵy Bekzat Sattarhanov dańǵylynyń boıynda salynyp jatqan jelilik saıabaqtaǵy jumys barysyn tekserdi. Jasyl jelekke oranǵan jelilik baqta demalys aýmaqtary men salt-dástúrdi dáripteıtin sáýlet úlgileri ornatylǵan.

Qalaǵa kórik bergen «Parasat» saıabaǵy da erekshe kelbetimen saıaly baqqa aınalyp keledi. Qaıta jańartý jumystary aıasynda demalys ornynda jasandy kól men kópirler jáne 420 metr tasaryq salynýda.

Nátıjesinde saıabaq sýmen qamtylyp, qaıta «Arys-Túrkistan» kanalyna jiberiledi.

Al, «Túrkistan-Kentaý» baǵytyndaǵy joldyń eki shetindegi aryqtyń bir bóligi «Parasatty» sýmen qamtysa, ekinshi bóligi jol boıyndaǵy jasyl jelekti sýarady.