Túrkistanda tarıhı muralardy qorǵaý jóninde kóshpeli otyrys ótti
TÚRKІSTAN. QazAqparat - Túrkistan qalasynda Qazaqstan Respýblıkasy Parlamenti Májilisi Áleýmettik - mádenı damý komıtetiniń «Tarıhı-mádenı murany qorǵaý men keńinen tanytýdy zańnamalyq turǵydan qamtamasyz etý» taqyrybyndaǵy kóshpeli otyrysy ótti, dep habarlaıdy QazAqparat tilshisi.
Otyrys jumysyna QR Parlamenti Májilisiniń depýtattary - Áleýmettik-mádenı damý komıtetiniń músheleri men Túrkistan oblysynyń ákimi Janseıit Túmebaev, memlekettik organdardyń qyzmetkerleri men qoǵam, mádenıet, arheologııa uıymdarynyń ókilderi, sarapshylar jáne Q.A.ıAsaýı atyndaǵy Halyqaralyq qazaq-túrik ýnıversıteti men Qazaqstannyń basqa da joǵary oqý oryndarynyń ǵalymdary qatysty.
Kóshpeli otyrysta tarıhı-mádenı murany qorǵaý men ony keńinen tanytýdy zańnamalyq turǵydan qamtamasyz etý máseleleri qaraldy. «Tarıhı-mádenı mura obektilerin qorǵaý jáne paıdalaný týraly» jáne «Qazaqstan Respýblıkasynyń keıbir zańnamalyq aktilerine tarıhı-mádenı mura máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zań jobalary talqylandy.
Zań jobalarynda tarıhı-mádenı mura obektilerin anyqtaý men olardy esepke alý, tarıhı-mádenı saraptama júrgizý men nysandardy qujattandyrý máselelerine erekshe nazar aýdarylǵan. Depýtattar jáne Komıtet otyrysyna qatysýshylar búgingi tańda kóptegen jańadan anyqtalǵan tarıhı jáne mádenıet eskertkishteri mártebesi berilgen obektilerdiń saqtalýy jetkilikti deńgeıde qamtamasyz
etilmeıtinin atap kórsetti.
Máselen, elimizde 25 myńnan astam tarıhı-mádenı mura obektileri bar bolsa, olardyń 11 myńǵa jýyǵyna tarıh jáne mádenıet eskertkishteri mártebesi berilgen. Bul nysandar búginde tıimdi paıdalanýdy, utymdy basqarýdy jáne olardy saqtaý men qorǵaý boıynsha zań, ákimshilik sharalardy qamtamasyz etýdi talap etetin jalpyulttyq mádenı baılyq bolyp tabylady.
