Túrkistanda T.Álimqulov pen A.Súleımenovtiń shyǵarmashylyǵy ulyqtaldy
TÚRKІSTAN. QazAqparat - Túrkistanda Táken Álimqulov pen Asqar Súleımenovtiń shyǵarmashylyǵy ulyqtaldy, dep habarlaıdy QazAqparat Túrkistan oblysy ákimdiginiń baspasóz qyzmetine silteme jasap.
Túrkistandaǵy Q.A.ıAsaýı atyndaǵy halyqaralyq qazaq-túrik ýnversıtetiniń Mádenıet ortalyǵynda qazaqtyń kórnekti jazýshysy, aqyn, ádebıet synshysy Táken Álimqulovtyń 100 jyldyǵy men jazýshy, dramatýrg Asqar Súleımenovtiń 80 jyldyǵyna oraı «Uly dalanyń dara danalary» kitap kórmesi men «Qarataýdyń tól perzentteri» atty eske alý keshi ótti.
Ádebı keshke zııaly qaýym ókilderi, ádebıetshiler, aqyn-jazýshylar men oqyrmandar qatysty. Onda Túrkistan oblysy ákiminiń orynbasary Málik Otarbaev «Qulagerdeı qalamgerlerdiń atyn ardaqtaý, qurmet tutyp qasterleý, bıikke kóterý, mura etip qaldyrǵan altyn qazynalaryn keleshek urpaqqa jetkizý - barshamyzdyń paryzymyz» deı kele óńir basshysy Janseıit Túımebaevtyń quttyqtaý hatyn oqyp berdi.
Sonymen birge, Táken Álimqulovtyń jubaıy Esimkúl Álimqulova men Asqar Súleımenovtiń uly Álisher Súleımenovke oblys basshysynyń syı-sııapatyn tabys etti.
Sóz zergerlerin eske alýǵa arnalǵan keshke Qazaqstan Jazýshylar odaǵy basqarmasy tóraǵasynyń orynbasary Baqyt Bedelhanuly, Qazaqstannyń Memlekettik syılyǵynyń laýreaty, aqyn, jazýshy Esenǵalı Raýshanov, jazýshy, fılologııa ǵylymdarynyń doktory, professor Qulbek Ergóbek, «Túrki álemine qyzmeti úshin» halyqaralyq syılyqtyń ıegeri Rafael Nııazbekuly, jazýshy, «Alash» halyqaralyq ádebı syılyǵynyń laýreaty Marhabat Baıǵut jáne Sozaq aýdanynyń Qurmetti azamaty, aqyn Myńjasar Asqarov jáne ózge de zııaly qaýym ókilderi ádebıettiń qos alybynyń eńbegi eren ekenine toqtalyp, olardyń rýhanı muralary elge máńgi qyzmet etetinin aıtty.
Ádebı keshte R.Seıtmetov atyndaǵy Túrkistan sazdy drama teatrynyń ártisteri «Qarataýdyń tól perzentteri» poetıkalyq kompozıtsııasyn usynsa, oblys ónerpazdary kontserttik baǵdarlamasyn tartý etti. Jıynǵa qatysýshylar «Rýhanı jańǵyrý» baǵdarlamasy aıasynda ótken keshke rızashylyqtaryn bildirip, rýhanı serpilip qaıtty.
Osy kúni Túrkistan qalasyndaǵy №21 jalpy orta mektebinde de Táken Álimqulovtyń 100 jyldyǵyna arnalǵan eske alý is-sharasy ótti. Sondaı-aq, Túrkistan qalasyndaǵy №21 jalpy orta mektebine T.Álimqulovtyń atyn berý jóninde Prezıdent Ákimshiligine usynys hat joldansa, Túrkistan qalasyndaǵy A.Súleımenov kóshesine gaz, sý tartylyp, joly jóndeletini de belgili boldy.
