Túrkistanda sybaılas jemqorlyqpen kúreske úles qosqan azamattar marapattaldy
«16 jeltoqsan – Táýelsizdik kúni» merekesine jáne «9 jeltoqsan Halyqaralyq sybaılas jemqorlyqqa qarsy kúres kúnine» oraı, Qazaqstan Respýblıkasy Sybaılas jemqorlyqqa qarsy is-qımyl agenttiginiń Túrkistan oblysy boıynsha departamentiniń uıymdastyrýymen forým ótti. Іs-sharaǵa óńirde sybaılas jemqorlyqqa qarsy saıasatty júzege asyrýǵa úles qosqan azamattar men buqaralyq aqparat quraldarynyń ókilderi, memlekettik organ qyzmetkerleri, arnaıy monıtorıngtik top jáne aqparattyq-aǵartýshylyq shtab músheleri, «Túrkistan-adaldyq alańy» jobalyq keńse menedjerleri men Departament qyzmetkerleri qatysty.
Jıynnyń negizgi maqsaty - sybaılas jemqorlyqqa qarsy mádenıet qalyptastyrý jáne parasattylyq ıdeologııasyn ilgeriletý boıynsha atqarylǵan jumystardy qoǵamǵa keńinen jetkizý. Іs shara barysynda sybaılas jemqorlyqqa qarsy kúreske úles qosqan azamattar marapattaldy.
Jıynda rýhanı óńirdiń keleshegi onyń árbir azamatyna baılanysty ekenin aıtqan Departament basshysy Qanat Qojahmetov sybaılas jemqorlyqtyń aldyn-alýda belsendilik tanytýǵa shaqyrdy. Túrkistan oblysy ákiminiń birinshi orynbasary A.Jetpisbaı, «oblystyq qoǵamdyq keńes tóraǵasy Sh.Jamalbek quttyqtaý sóz sóılep, sybaılas jemqorlyqqa qarsy saıasatty júzege asyrýda qoǵamdyq baqylaý ornatýdyń orny erekshe ekendigine toqtalyp, kıeli óńirde jemqorlyq deńgeıin tómendetý baǵytynda ári qaraı birlesip nátıjeli jumystar júrgizetinderine senim bildirdi. Sybaılas jemqorlyqpen kúresýde belsendilik tanytqan azamattarǵa alǵys bildirip, arnaıy merekelik medal men tósbelgi, sondaı-aq, biliktilik shender men gramota, alǵys hattardy tabystady.
