Túrkistanda sybaılas jemqorlyqqa qarsy kúres máseleleri talqylandy

TÚRKІSTAN. QazAqparat – Túrkistan oblysynda sybaılas jemqorlyqqa qarsy kúres máseleleri talqylandy. Óńirge arnaıy jumys saparymen kelgen Aqparattyq-úgit nasıhat shtabynyń tóraıymy Yrza Tursynzada men Parasattylyq departamentiniń basshysy Ǵanıjan Asanuly oblys aktıvimen kezdesý ótkizdi, dep habarlaıdy QazAqparat tilshisi.
None
None

Kezdesýge oblys ákimi Ómirzaq Shókeev pen onyń orynbasarlary, Agenttiktiń Túrkistan oblysy boıynsha Departamentiniń basshysy Hakım Kóshqalıev, oblystyq ákimdiktiń bólim basshylary men qyzmetkerleri qatysty. Sondaı-aq, oblystyq máslıhat depýtattary men aýmaqtyq departament basshylary, Aqparattyq-úgit nasıhat shtabynyń tóraǵasy men arnaıy monıtorıngtik top músheleri, úkimettik emes uıym jáne BAQ ókilderi shaqyryldy.

Jıynda Ó. Shókeev kıeli óńirge arnaıy kelgen qonaqtarǵa óz alǵysyn bildirip, rýhanı astana mártebesin arqalaǵan Túrkistannyń sybaılas jemqorlyqtan ada, taza óńir retinde tanylýy tıis ekendigin jetkizdi.

Alqaly jıyn barysynda sóz alǵan respýblıkalyq shtab tóraıymy Yrza Tursynzada sybaılas jemqorlyq sııaqty teris qubylysty qoǵamda joıý máselelerin atap ótti. Óz kezeginde, Ǵ.Asanuly Agenttikpen atqarylyp jatqan júıeli jumystarǵa toqtaldy. Qoǵamdyq baqylaý jáne azamattardyń qarjylyq saýattylyǵyn arttyrý maqsatynda qurylǵan «Ashyq bıýdjetterdiń ınteraktıvti kartasynda» Túrkistan oblysy boıynsha mekemelerdiń jalpy somasy 373, 6 mlrd teńge bıýdjeti jarııalanǵanyn málim etip, bul másele boıynsha usynys-pikirin bildirdi.

Sondaı-aq, Memleket basshysy Qasym-Jomart Toqaevtyń «Halyq únine qulaq asatyn memleket» tujyrymdamasynyń negizinde azamattarǵa qolaıly, qoljetimdi jáne jedel qyzmet kórsetetin «Servıstik ákimdikterdiń» Túrkistan oblysyna qarasty 8 qala/aýdanda ǵana ashylǵanyn atap ótti. Ashyqtyqty qamtamasyz etetin servıstik ákimdiktiń óńirdegi barlyq qala/aýdandarda ashylýy tıis ekenin jetkizdi.

Jıyn sońynda halyqpen syndarly suhbat qurý jáne parasattylyq qundylyqtaryna kóbirek kóńil bólý, jemqorlyq kórinisterin qabyldamaý arqyly adal eńbek etý – árbir el azamatyna júktelgen ortaq mindet ekendigi aıtyldy.


Сейчас читают