Túrkistanda suıytylǵan gaz baǵasy 65 teńgege deıin tómendeıdi

TÚRKІSTAN. QazAqparat – Túrkistan oblysynda suıytylǵan gaz baǵasy 65 teńgege deıin tómendeıdi - dep habarlaıdy QazAqparat tilshisi.

Bul týraly búgin áleýmettik jeli arqyly tikeleı efırge shyqqan Túrkistan oblysy ákiminiń orynbasary Sáken Qalqamanov aıtyp ótti.

«Túrkistan oblysyndaǵy Túrkisan men Kentaý qalasynda suıytylǵan gaz 65 tenge bolyp bekitildi. Qazir kásipkerler eski qaldyqtardy buryńǵy baǵamen satýda. Aldaǵy ýaqytta búkil oblysta suıytylǵan gaz baǵasy 65 teńge bolady» - dedi Sáken Qalqamanov. Al, shekti baǵalar saqtalmaǵan jaǵdaıda kásipkerler ákimshilik jaýapkershikke tartylady. Qazir Túrkistan oblysyndaǵy jaǵdaı turaqty. Degenmen, Tótenshe jaǵdaı qatań baqylaýda. Oblys shekaralarymen aýdan, qalalarǵa kire beris aýmaqta blok beketter qoıylǵan. Árbir kólik jiti tekserilýde. Qoǵamdyq kólikter ýaqytyly júrip jatyr.