Túrkistanda Súgir Áliuly kúıleriniń keshi ótti
TÚRKІSTAN. QazAqparat - Túrkistan qalasynda Súgir Áliuly kúıleriniń keshi ótti, dep habarlaıdy QazAqparat Túrkistan oblysy óńirlik kommýnıkatsııa qyzmetine silteme jasap.
QR Tuńǵysh Prezıdenti - Elbasy N.Á.Nazarbaevtyń «Bolashaqqa baǵdar: Rýhanı jańǵyrý» jáne «Uly dalanyń jeti qyry» baǵdarlamalyq maqalalarynyń aıasynda Q.A.ıAsaýı atyndaǵy HQTÝ-dyń Mádenıet ortalyǵynda «Kúı qudireti» atty Súgir Áliuly kúıleriniń keshi ótti. sharany QR Mádenıet jáne óner qyzmetkerleri kúnine oraı oblystyq Mádenıet jáne tilderdi damytý basqarmasy uıymdastyrdy.
Uly tulǵalar men ulttyq óner arqyly rýhanııattyń jańǵyrýyna atsalysý jáne jas urpaqtyń boıyna ulttyq bolmysymyzdy sińire otyryp, tól ónerdi nasıhattaý - kontserttiń basty maqsaty boldy.
Kontsertti oblys ákiminiń orynbasary Málik Otarbaev quttyqtaý sózben ashty.
«Sozaq aýdanynda dúnıege kelgen ataqty kúıshi, sazger Súgir Áliuly týraly jazylyp ta, aıtylyp ta keledi. Ol týraly Jazýshy Táken Álimqulov «Telqońyr» áńgimesin, aqyn Bátıma Batyrbekova «Kúıshi» poemasyn, jazýshy Ótesh Qyrǵyzbaev «Súgir» romany men «Nazqońyr» pesasyn jazdy. Súgirdiń kúılerin keńinen nasıhattap, halyq jadynan óshirmeýge birden-bir atsalysyp júrgen mádenıet jáne óner adamdarynyń eńbegi eren. Árdaıym ónerdiń bıiginde bolyp, shyǵarmashylyqtaryńyzdyń damı berýine tilektespin!», - dedi ol.
«Kúı qudireti» atty Súgir Áliuly kúıleriniń keshin ótkizýge muryndyq bolǵan «Súgir» atyndaǵy qazaq ult aspaptar orkestri Halyqaralyq «Jubanovtar áýeni» baıqaýynyń laýreaty ekenin atap ótken jón.
Bul taǵylymy mol kontsertte Súgir Áliuly, Tólegen Mombekov, Jappas Qalambaev, Bóri Isa, Álimbek Qonysbekov, Qasymbek Sarymbetov, Batyrhan Ryspanbetov syndy kompozıtorlardyń kúıleri, shyǵarmalary oryndaldy.
