Túrkistanda sý tasqynynyń aldyn alý boıynsha oqý-jattyǵýlar ótti
TÚRKІSTAN. QazAqparat - Túrkistan oblysynda qysqy-kóktemgi kezeńderdegi sý tasqynyna daıyndyq maqsatynda tótenshe jaǵdaılardyń aldyn alý boıynsha oqý jattyǵý ótkizildi, dep habarlaıdy QazAqparat óńir basshysynyń baspasóz qyzmetine silteme jasap.
Jattyǵý barysynda tehnıkalardyń, sý sorý qurylǵylardyń (motopompa) jáne jeke quramnyń daıyndyǵy, shartty sý basý saldaryn joıý jumystary uıymdastyrylyp, is júzinde kórsetildi.
Oqý-jattyǵý kezinde tabıǵı jáne tehnogendik sıpattaǵy tótenshe jaǵdaılardyń saldaryn joıý úshin qalalyq azamattyq qorǵaý qyzmetteri men avarııalyq-qutqarý qyzmeti qatarynan 12 komanda, 154 jeke quramy jáne 31 tehnıkasy quryldy.
Arnaıy-taktıkalyq oqý-jattyǵýlardyń maqsaty - Túrkistan qalasynyń jedel den qoıý jasaqtarynyń kez kelgen ýaqytta daıyn bolýy, tótenshe jaǵdaılar kezinde adamdardy jáne materıaldyq qundylyqtardy qutqarýǵa tásilderin daǵdylaý bolyp tabylady.
