Túrkistanda stýdent qyzdy zorlamaq bolǵan kúdikti ustaldy
TÚRKІSTAN. QazAqparat - Túrkistanda stýdent qyzdy tonap, zorlamaq bolǵan kúdikti bir aıdan keıin ustaldy. Ony jedel izdestirý sharalaryn Oblystyq ІІD Krımınaldyq polıtsııa basqarmasynyń qyzmetkerleri júrgizdi, dep habarlaıdy QazAqparat tilshisi.
Aıta keteıik, qylmystyq oqıǵa qyrkúıek aıynda oryn alǵan edi. ıAsaýı kesenesiniń janynda belgisiz bireý jas qyzdyń izine túsip, onyń uıaly telefonyn tartyp alǵan. Artynsha zorlamaq bolǵan edi. Abyroı bolǵanda qyzdy jergilikti turǵyndar qutqaryp, jedel járdem shaqyrtqan. Bul kórinis áleýmettik jelilerge de tarap ketken bolatyn. Osy oqıǵadan keıin polıtseıler seziktini ustaýǵa kiristi. Іz kesýshiler óńirdiń árbir aýdanyn tekserip, barlyq oblystarǵa kúdiktiniń baǵyttamasy jiberildi. Óıtkeni, onyń oblys aýmaǵynan shyǵyp ketýi múmkin degen boljam bolǵan. Nátıjesinde qazan aıynyń basynda sezikti Almaty qalasynan ustaldy.
Qazirgi tańda atalǵan jaıt boıynsha QR QK-niń «Zorlaýǵa oqtalý» jáne «Tonaý» baptarymen sotqa deıingi tergeý amaldary júrgizilýde. Kúdikti qamaýǵa alynyp, tergeý amaldary júrgizilýde.
