Túrkistanda stadıon men medıaortalyq jáne mýzeı salynýda
TÚRKІSTAN. QazAqparat - QR Premer-Mınıstriniń birinshi orynbasary Asqar Mamınniń Túrkistan oblysyna is-sapary kezinde oblys ortalyǵynda boı kóteretin stadıonnyń qurylys jumystary kórsetildi.
Astanalyq jumys tobyn oblys ákimi Janseıit Túımebaev nysan basyna ózi alyp baryp, Túrkistannyń bolashaqtaǵy sáýlettik sánine ár beretin ǵımarattyń ornyn kórsetti, dep habarlaıdy QazAqparat tilshisi.
7 myń orynǵa shaqtalǵan nysandy «BI Group» JShS-i salýda. Qurylys barysyn jobanyń ázirleýshisi sanalatyn «Samuryq Qazyna «Jyljymaıtyn múlik qory» AQ-nyń Basqarma tóraǵasy B.Sandyqbaev baıandady.
Onyń aıtýynsha, sport nysanynyń kólemi 33 286 sharshy metr bolsa, jalpy jobanyń aýdany 6,4 gektardy quraıdy. Bolashaqta jergilikti 100 adamdy jumyspen qamtýdy kózdegen ǵımarattyń el ıgiligine berilý merzimi 2020 jyldyń jeltoqsanyna josparlanǵan.
Ákimshilik-iskerlik ortalyqta qurylys barysymen tanysqan birinshi vıtse-premer jumystardy sapaly jasap, ýaqytyly paıdalanýǵa berý máselesine jiti toqtaldy. Munan soń, A.Mamınge Qoja Ahmet ıAssaýı mýzeıiniń qurylys jumystary tanystyryldy. Atalǵan murajaıdyń merdigeri «Bazıs-A» holdıngi. Aýdany 3 myń sharshy metrdi alatyn ǵımaratta da keleshekte 100 adam jumyspen qamtylmaq. Uly tulǵaǵa arnalǵan mýzeıdiń qurylys jumystaryn aıaqtap, el ıgiline berý merzimi kelesi jyldyń sońyna josparlanǵan.
Astanalyq jumys toby aıaldaǵan kelesi nysan əkimshilik-iskerlik ortalyǵyndaǵy medıaortalyq boldy. «BI Group» kompanııasy merdiger bolyp tabylatyn nysanǵa Almaty qalasynyń əkimdigi tapsyrys bergen. Aýmaǵy 1 shaqyrym jerdi alatyn nysan 2020 jyldyń sońynda tapsyrylmaq.
