Túrkistanda sport túrlerinen «Ulttyq mektep lıgasy» qaıta jandandy
TÚRKІSTAN. QazAqparat - Túrkistanda sport túrlerinen «Ulttyq mektep lıgasy» týrnıri qaıta bastaldy, dep habarlaıdy QazAqparat.
Túrkistan oblysy ákiminiń baspasóz qyzmetinen málim etkendeı, koronavırýs pandemııasy saldarynan komandalyq sport saıystary ýaqytsha toqtatylǵan edi.
Búgin basketboldan jarystardyń ashylý rásimi ótti. Oǵan komanda qatysyp, baq synaıtyn bolady.
«Ulttyq mektep lıgasy» aıasynda fýtbol, basketbol, gandbol, voleıbol syndy sport túrlerinen oqýshylar arasynda jarystar ótedi. Maqsaty – jasóspirimder arasynda buqaralyq sportty damytý, salaýatty ómir saltyn nasıhattaý, oqýshylardyń bos ýaqytyn tıimdi uıymdastyrý.
Jasóspirimderge sport mektebinen bapker, kásibı maman bekitilgen. Ár mektep komandalarynyń óz logotıpti men urany bar. Komandalar arnaıy sporttyq formalarmen qamtamasyz etilgen.
Jeńimpaz bolǵan komanda oblystyq, respýblıkalyq, halyqaralyq mektep oqýshylary arasynda sporttyq jarystarǵa qatysyp, el namysyn qorǵaıdy. Naýryz aıynda oblystyq chempıonatta ár aýdan, qaladan úzdik komandalar ózara irikteýge qatysyp, saıys jeńimpazdary anyqtalady», - dedi oblys ákimdiginen.
