Túrkistanda sport ǵımaraty ashyldy
TÚRKІSTAN. QazAqparat – Túrkistandaǵy Ál-Farabı atyndaǵy jalpy orta mektebinde Ekinshi dúnıejúzilik soǵysyna qatysqan osy bilim ordasynyń ustazdary men túlekterine, eńbek ardagerlerine arnalǵan «Er esimi-el esinde» atty ardagerler taqtasy men sport ǵımaratynyń ashylý is-sharasy ótti. 90 jyldyq tarıhy bar bilim uıasyna respýblıkanyń ár óńirinen túlekteri kelip, aqjarma tilekterin jetkizdi, dep habarlaıdy QazAqparat tilshisi.
Saltanatty shara barysynda Sovet Odaǵynyń batyry Abdýlla Úsenov pen Ekinshi dúnıejúzilik soǵysyna qatysqan Syrlybek Baıjanovqa arnalǵan eskertkish taqtasy resmı túrde ashylyp, marqumdardy únsizdikpen eske aldy. Mektep dırektory jıynnyń mańyzdylyǵyna toqtalyp, demeýshilik tanytqan azamattarǵa alǵysyn bildirdi.
«2018 jyly sol kezdegi shahar basshysy Álipbek Óserbaevtyń basshylyǵymen sport zal qurylysy bastalyp, bıyl minekeı, paıdalanýǵa berilip otyr. Jańa eskertkish turǵyzý barysynda munda aty jazylǵan tulǵalardyń qataryn tolyqtyryp, taǵy birqatar ardager atanǵan mektep túlekteri men muǵalimderiniń esimderin engizdik», – dedi mektep dırektory Qaırat Júsipalıev.
