Túrkistanda sońǵy bir aptada 709 adam erikti túrde vaktsına saldyrǵan
TÚRKІSTAN. QazAqparat – Túrkistan qalasynda sońǵy bir aptada 709 adam erikti túrde ekpe saldyrǵan. Bul týraly qalalyq ákimdik resmı málimet taratty, dep habarlaıdy QazAqparat tilshisi.
Qalalyq ákimdiktiń málimetinshe, taǵy 400 memlekettik jáne 122 polıtsııa qyzmetkeri vaktsına qabyldaǵan. Shaharda búgingi kúnge deıin 5190 adam birinshi komponentti vaktsına saldyryp, ekinshi komponent alǵandar sany 1215-ke jetken.
«COVID-19-ǵa qarsy vaktsına egý maqsatynda 10 egý bólmesi jáne bir jyljymaly brıgada jumys istep jatyr. Oblys ortalyǵyna 23-28 sáýir aralyǵynda 7000 vaktsına ákelinip, erikti azamattarǵa salýǵa múmkindik týady. Qazirgi tańda Túrkistan qalasyna bólingen vaktsına tolyǵymyn qabyldanǵan» delingen habarlamada.
Aıta keteıik, Túrkistan oblysy vırýs juqtyrǵandar sany boıynsha «jasyl aımaqta» qalyp otyr.
