Túrkistanda shyǵys stılindegi turǵyn úıler kóptep salynýda
TÚRKІSTAN. QazAqparat - Túrkistan qalasynda «Keruen Sarai» turǵyn úı kesheniniń qurylysy bastaldy, dep habarlaıdy QazAqparat Túrkistan oblysy ákiminiń baspasóz qyzmetine silteme jasap.
Turǵyn úı kesheni shyǵys stılinde salynady. Qazirgi ýaqytta «Túrkistan» ÁKK» AQ bastamashy bolǵan seriktespen birlesip, «Keruen Sarai» jańa turǵyn úı keshenin salý jobasyn iske asyrýda. Shyǵys stılindegi turǵyn úı kesheni Túrkistan qalasynyń mádenı-rýhanı ortalyǵynda, Qoja Ahmet ıAsaýı kesenesiniń janynan salynatyn bolady.
Salynyp jatqan keshenniń aýmaǵy arqyly qalanyń negizgi jaıaý júrginshiler alleıasy ótedi. Aınalasynda qaladaǵy jańa nysandar men kórikti oryndar ornalasqan. Keshenniń shyǵys jaǵynda saıabaq aımaǵy ornalasqan. Turǵyn úı aýlasyna kópjyldyq taldar otyrǵyzylady.
«Keruen Sarai» qurylysynyń birinshi kezegi 9 az qabatty bloktardan turatyn bolady. Jalpy jańa keshende 1,2 jáne 3 bólmeli páterler men eki qabatty taýnhaýstardyń qurylysy qarastyrylǵan. Bir alańda ekiden kóp páter bolmaıdy, al taýnhaýstarda bólek kirý qaqpalary men jeke terrassalar bolady.
