Túrkistanda Sherhan Murtazanyń qaıtys bolýyna baılanysty retro-festıval ótpeı qaldy
TÚRKІSTAN. QazAqparat - Qazaqstannyń Halyq jazýshysy, qoǵam qaıratkeri Sherhan Murtazanyń qaıtys bolýyna baılanysty Túrkistanda búgin ótýi tıis retro-festıvali keıinge qaldyryldy. Ult qaıratkeriniń qazasyna baılanysty aımaq basshysy Janseıit Túımebaev osyndaı sheshim qabyldady, dep habarlaıdy QazAqparat tilshisi.
Aıta keteıik, jyl saıyn uıymdastyrylatyn «Arys jaǵasynda» retro-festıvali bıyl alǵash ret Túrkistan oblysynyń ortalyǵynda ótýi tıis bolatyn. Óner merekesine elimizdiń ár óńirinen belgili óner juldyzdary men ujymdary, túsirilim toptary da kelgen.
Óz kezeginde oblys ákimdigi Túrkistan qalasynyń turǵyndary men qonaqtardan, ónerpazdardan túsinistik tanytýlaryn suranady. Retro-festıvaldiń qashan ótetini aldaǵy kúnderi habarlanatyn boldy.
