Túrkistanda sheneýnik kásipkerlerden para aldy degen kúdikpen ustaldy

NUR-SULTAN. QazAqparat - Túrkistan oblysynyń sybaılas jemqorlyqpen kúres qyzmeti QR Densaýlyq saqtaý mınıstrligi Sanıtarlyq-epıdemıologııalyq baqylaý komıtetiniń oblystyq departamenti «Kentaý qalalyq sanıtarlyq-epıdemıologııalyq baqylaý basqarmasy» RMM sanıtarlyq-epıdemıologııalyq baqylaý bóliminiń bas mamanyna qatysty sotqa deıingi tergeý júrgizýde, dep habarlaıdy QazAqparat.

Bundaı málimetter QR Sybaılas jemqorlyqqar qarsy is-qımyl agentttiginiń Telegram kanalynda jarııalandy. Ondaǵy aqparatqa qaraǵanda, atalǵan laýazym ıesi Sovid-19 ınfektsııasynyń taralýyna qarsy memleket qabyldap jatqan sharalarǵa qaramastan, kásipkerlerden «Ashyq» qosymshasyn engizý úshin oń sanıtarlyq-epıdemıologııalyq qorytyndy bergen jáne sol úshin 100 myńnan 120 myń teńgege deıin para alǵan degen kúdikke ilindi.

Kúdikti QR Qylmystyq protsessýaldyq kodeksiniń 128-babyna sáıkes ustalyp, Túrkistan qalalyq polıtsııa basqarmasynyń ızolıatoryna qamaldy.

Kúdiktige qatysty túpkilikti úkimdi onyń kinásiniń dárejesin anyqtaı otyryp, sot shyǵarady.