Túrkistanda semizdikpen aýyratyn naýqastar asqazanyn ota jasap kishireıtedi
Túrkistan oblysynyń qoǵamdyq densaýlyq basqarmasynyń qoldaýymen Astana medıtsına ýnıversıtetiniń professory, QR Barıatrııalyq hırýrgtar qoǵamynyń tóraǵasy Oral Ospanov qalalyq ortalyq aýrýhanada master-klass ótkizgen.
Master-klass barysynda 35-55 jas aralyǵyndaǵy naýqastarǵa ota jasaldy.
Bul kúrdeli ota semizdik pen qant dıabetine shaldyqqan naýqastarǵa jasalady.
Ota kezinde úlkeıgen asqazannyń mólsheri kishireıtilip, tikeleı ash ishekke jalǵanady.
Nátıjesinde naýqastardyń salmaǵy qalypqa kelip, zat almasý protsesi turaqtalady.
Aıta keteıik, osy otany jasatýǵa naýqastar basqa qalalardan da kelgen. Otadan keıin naýqastar 4-5 kún aýrýhanada em qabyldaıdy.
Al otanyń nátıjesi, ıaǵnı salmaqtyń azaıýy, zat almasýdyń qalypqa kelýi bir aı kóleminde sezile bastaıdy.
