Túrkistanda saıahattaýǵa arnalǵan 14 elektromobıl órtenip ketti

TÚRKІSTAN. QazAqparat - Túrkistanda kórikti jerlerdi aralap, saıahattaýǵa arnalǵan 14 elektromobıl órtenip ketti, dep habarlaıdy QazAqparat tilshisi.

Oqıǵa 15 sáýir kúni saǵat 4:17-de bolǵan. «ıAssy nur» seriktestigine tıesili 216 sharshy metr bastyrma jáne sol jerdegi 14 elektromobıl otqa oranǵan. Órt sóndirýshiler saǵat 4:47-de órtti sóndirgen.

Adamdar aman. Órttiń shyǵý sebebi anyqtalyp jatyr.

Aıta ketsek, Tótenshe jaǵdaılar mınıstriliginiń esebi boıynsha elde tirkelgen oqıǵalardyń 96,5%-y – tehnogendik sıpattaǵy tótenshe jaǵdaılar.

«Tehnogendik sıpattaǵy jaǵdaılardyń negizgi úlesi – óndiristik jáne turmystyq órtter. Olardyń kólemi – 88,6%. 2023 jylǵy úsh aıda 2 304 órt boldy, odan 199 adam zardap shekti, 120 adam qaza tapty. Materıaldyq shyǵyn 703,59 mln teńge», - dep kórsetilgen vedomstvo málimetinde.