Túrkistanda sáýletshiler bas qosty
ShYMKENT. QazAqparat - Túrkistandaǵy Q.A.ıAsaýı atyndaǵy Halyqaralyq qazaq-túrik ýnıversıtetiniń mádenıet ortalyǵynda «Túrkistan shehrengızi» atty shara ótti. «Túrkistan-Túrki áleminiń mádenı astanasy» jyly aıasynda uıymdastyrylǵan sharaǵa túrki halyqtarynyń sáýletshileri bas qosty, dep habarlaıdy QazAqparat tilshisi.
Basqosýdy TÚRІKSOI halyqaralyq uıymy, Túrki álemi ınjenerler men sáýletshiler odaǵy jáne Q.A.ıAsaýı atyndaǵy Halyqaralyq qazaq-túrik ýnıversıteti birlesip uıymdastyrdy.
«Túrki áleminiń mádenı astanasy» mártebesin alǵan Túrkistan qalasyn qoldaý maqsatynda uıymdastyrylǵan bul sharaǵa Túrkııadan 40-tan astam delegat qatysyp, qasıetti qalanyń bolashaq damýyna baılanysty óz pikirlerin ortaǵa saldy. Sondaı-aq, jıynǵa TÚRІKSOI, TúrikPA, Túrki Akademııasy sekildi túrkitildes halyqtardyń ortaq ıntegratsııalyq halyqaralyq uıymdarynyń ókilderi keldi.
Aıta keteıik, «Shehrengız» sózi ortaǵasyrda túrki musylman jurtynda, otyryqshy halyqtarda qoldanylyp, keıin umyt bolǵan. Qazirgi tilmen aıtqanda «Qala kúni» uǵymyna jaqyn maǵyna beretin sóz. Ortaǵasyrlyq musylman elderiniń qalalarynda arnaıy bir kúndi osylaı atap, sol kúni qalanyń bolashaq damýyna, sáýlet nysandaryna qatysty májilister ótkizilgen. Jıyn sońy músháıralarǵa, túrli óner saıystaryna ulasatyn bolǵan. Birneshe jyldan beri Túrkııadaǵy Túrki áleminiń ınjenerler men sáýletshiler odaǵy osy dástúrdi qaıta jandandyrýǵa kúsh salýda. «Qashǵardan Andalýsııaǵa deıingi túrki musylman qalalary» atty bul mega-joba aıasynda buǵan deıin de álemniń birneshe qalasynda dál osyndaı sharalar ótkizilgen bolatyn.
Jıyn barysynda sóz alǵan Túrki álemi ınjenerler men sáýletshiler odaǵynyń Bas hatshysy Ilıas Demırdjı túrkııalyq sáýletshiler Túrkistan qalasynyń damýyna qatysty kez-kelgen sáýlet-qurylys jobalarynyń ázirlenýi men qurylys jumystarynyń júrgizilýine qoldan keler kómekterin berýge daıyn ekendikterin jetkizdi.
«Tipti, naqty usynystar bolsa, ınvestorlardy tartýǵa da múddelimiz dep atap ótti»,-ol.
