Túrkistanda sanıtarlyq talapty saqtamaǵan nysan ıelerine 150 mln teńge aıyppul salyndy
TÚRKІSTAN. QazAqparat - Túrkistan oblysynda qoǵamdyq baqylaý múshelerinen qurylǵan arnaıy monıtorıngtik toptar bas sanıtarııa dárigeriniń qaýlysynyń oryndalý barysyna baqylaý júrgizýde, dep habarlaıdy QazAqparat Túrkistan oblysy ákiminiń baspasóz qyzmetine silteme jasap.
Baspasóz qyzmetiniń málimetterine qaraǵanda, qaladaǵy nysandardyń karantın talaptaryn qalaı oryndap jatqandyǵyn reıd jumystary barysynda 53 mobıldi top teksergen. Mobıldi toptar 5 shilde men 10 qazan aralyǵynda 30 myńǵa jýyq nysandy aralaǵan. Tekserý jumystary barysynda mobıldi toptar 3701 nysannyń karantın talaptaryn buzǵanyn anyqtady. Osyǵan qaraı, olarǵa qatysty ákimshilik quqyq buzýshylyq týraly hattama toltyrylyp, 150 mln 217 470 teńge kóleminde aıyppul salyndy.
«Toı-tomalaqqa tyıym salynǵanyna qaramastan óńirde jekelegen azamattar kelin túsirip, qyz uzatyp, jıyn ótkizýdi toqtatpaı tur. Mobıldi toptyń tekserýimen jalpy 236 otbasylyq, merekelik is-sharalar anyqtalyp, toı ýaqytynan buryn toqtatyldy» -delingen habarlamada.
