Túrkistanda respýblıkalyq oqýshylar aıtysy ótti

TÚRKІSTAN. QazAqparat - Qazaqstan Respýblıkasy Táýelsizdiginiń 30 jyldyǵyna jáne Jyr alyby – Jambyl Jabaevtyń 175 jyldyǵyna oraı respýblıkalyq oqýshylar aıtysy ótti, - dep habarlaıdy QazAqparat tilshisi.

Túrkistan oblysynyń adamı áleýetti damytý basqarmasy, Túrkistan qalasynyń adamı áleýetti damytý bólimi, Oqýshylar saraıy men «Balalar men jasóspirimder ortalyǵy» birlese uıymdastyrǵan dodaǵa Almaty, Qyzylorda, Jambyl jáne alys-jaqyn aýdan, qalalardan 12 jas aıtysker qatysty.

Sahnaǵa shyqqan jas aıtyskerlerdiń sóz saptaýyn Dosaly Eset (Jambyl), Bekmurat Anarbaev, Balalar jáne jasóspirimder ortalyǵynyń buqaralyq bólim meńgerýshisi Emen Sametov baǵalady.

Eki saǵatqa sozylǵan aıtystyń qorytyndysy boıynsha respýblıkalyq oqýshylar aıtysynyń júldeli III oryndaryn Elsııar Qulahmet (Shymkent), Saparhan Allajar (Shymkent), Danııal Bolysbek (Otyrar aýdany) ıelendi. Al II oryndy Eldar Ámirhan (Qyzylorda) jáne Táńirberdi Bolat (Túrkistan) ózara bólisse, I oryndy Aısulý Júnisbek (Jambyl) ıelendi. Al bas júlde Almaty oblysynan kelgen Aqnur Zınýllaǵa buıyrdy. Oza shapqan dúldúlderdi Túrkistan oblysynyń adamı áleýetti damytý basqarmasynyń basshysy Raqymbek Jolaev marapattady.

Aıtysqa Túrkistan oblystyq kásipodaq komıteti demeýshilik jasady. Barlyq aıtysker aqyndarǵa arnaıy alǵys hattar men baǵaly syılyqtar tabystaldy.