Túrkistanda psıhologtar tájirıbe almasty
TÚRKІSTAN. QazAqparat – Túrkistanda «Zamanaýı qoǵamdaǵy psıhologııalyq ǵylym jáne praktıka: máseleler, tájirıbe, bolashaq» atty psıhologtardyń aımaqtyq ǵylymı konferentsııasy ótti. Oblystyq jastar resýrstyq ortalyǵy uıytqy bolǵan jıynǵa qala, aýdandaryndaǵy orta bilim berý ordalarynyń jáne jastar resýrstyq ortalyqtarynyń pedagog-psıhologtary qatysty, dep habarlaıdy QazAqparat tilshisi.
Semınarǵa qatysqan oblystyq jastar resýrstyq ortalyǵy basshysynyń orynbasary Saıra Amantaeva bul basqosýdyń sala mamandaryna tıgizer paıdasy mol ekenin atap ótti.
«Qazirgi tańda psıhologııalyq sala myqty bolýy tıis. Óıtkeni, jastar men jasóspirimder arasyndaǵy túrli máseleler men quqyqbuzýshylyq jáne erte júktilik kóbeııýde. Osy turǵyda atalmysh sala mamandarynyń róli óte mańyzdy. Olar jastardyń durys qalyptasýy men keleshekke qadam basýyna sep bolmaq. El bolashaǵy sanalǵan jandardyń psıhologııalyq jaǵdaıyn basty nazarda ustaýymyz kerek», – dedi Saıra Amantaeva.
Semınar aıasynda «Otbasy hrestomatııasy» qoǵamdyq qorynyń sarapshysy Seıilbek Myrzabaev «XXI ǵasyr bilim, tulǵa qundylyq» taqyrybynda lektsııa oqyp, mamandardyń biliktiligin arttyrý baǵytyndaǵy baǵdarlamalaryn júrgizdi. Budan bólek osy taqyryp tóńiregende pedagog - psıhologtardyń usynysyn tyńdap, máselelerdi sheshý jolyn talqyǵa saldy. Ózara tájirıbe almasty.
