Túrkistanda polıtsııa qyzmetkerin balaǵattaǵan turǵyn qamaýǵa alyndy
TÚRKІSTAN. QazAqparat – Túrkistan qalasynda polıtsııa qyzmetkerin balaǵattaǵan turǵyn 7 táýlikke qamaýǵa alyndy. Bul týraly óńirdiń Polıtsııa departamenti resmı málimet taratty, dep habarlaıdy QazAqparat tilshisi.
Aıta keteıik, er adamnyń jol boıynda turǵan polıtsııa qyzmetkerlerine dórekilik tanytyp, balaǵattaǵan beıne órnisi facebook áleýmettik jelisinde tarap ketken bolatyn. Onda ashýǵa býlyqqan azamat tártip saqshylaryn tóbeleske shaqyryp, namystaryna tıetin sóz aıtqan. Alaıda polıtsııa qyzmetkerleri eshqandaı áreket jasamaı, oǵan qarap turǵan. Búgin osy kórniske baılanysty oblystyq PD tarapynan tártip buzýshyǵa shara qoldanylyp, ákimshilik jazaǵa tarqany belgili boldy.
«Áleýmettik jelige jarııalanǵan beınekórinistegi jaǵdaı boıynsha qajetti is-sharalar júzege asyryldy. Qazirgi tańda atalǵan jaıt Qazaqstan Respýblıkasy Ákimshilik quqyqbuzýshylyq týraly kodeksiniń 434-baby «Usaq buzaqylyq» boıynsha tirkelip, tártip buzýshy 7 táýlikke qamaýǵa alynǵan» delingen habarlamada.
