Túrkistanda polıtseıler zańsyz saqtalǵan qarýlardy tárkiledi
ShYMKENT. QazAqparat - Túrkistanda polıtseıler zańsyz saqtalǵan qarýlardy tárkiledi. Óńirdiń Ákimshilik polıtsııa basqarmasy qyzmetkerleri júrgizgen jedel profılaktıkalyq is-shara barysynda tárkilengen qarýlardyń 4-eýi tegis uńǵyly myltyq bolǵan, dep habarlaıdy QazAqparat tilshisi.
Túrkistan qalalyq Іshki ister basqarmasynyń qyzmetkerleri jergilikti turǵyndardyń biriniń úıinen tirkelmegen 16 kalıbrli ańshy myltyǵyn tapty. Polıtseılerdiń anyqtaýynsha úı ıesiniń qarýǵa ruqsat qujattary bolmaǵan. Búginde ańshylyq qarý tárkilenip, saraptamaǵa jiberildi.
Qazirgi tańda atalǵan zańsyz qarý saqtaǵandarǵa qatysty 287 «Qarýdy, oq-dárilerdi, jarylǵysh zattardy jáne jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý» babymen is qozǵalyp, sotqa deıingi tergeý amaldary júrgizilýde.
