Túrkistanda polıtseıler men órt sóndirýshilerdiń jańa ǵımaraty boı kóterdi
TÚRKІSTAN. QazAqparat - Ómirzaq Shókeev Túrkistandaǵy birqatar strategııalyq mańyzdy qurylys alańdaryndaǵy jumys barysymen tanysty, dep habarlaıdy QazAqparat Túrkistan oblysy ákiminiń baspasóz qyzmetine silteme jasap.
Merdiger kompanııa basshylarymen kezdesip, tapsyrmalar júktedi. Qurylysty kestege sáıkes aıaqtaýdy mindettep, sapaǵa basty nazar aýdarýdy eskertti.
Oblystyq polıtsııa departamenti ǵımarattary kesheniniń qurylysy qyrkúıek aıynda bastalǵan. Keler jyly paıdalanýǵa berilmek. 4 qabatty ǵımarattyń aýdany – 15 365 m2. Qurylys-montaj jumystary qarqyndy júrip jatyr. Sondaı-aq Túrkistan qalasyndaǵy №5 ákimshilik ǵımaratynyń qurylysy (DGD) da qarqyndy. Ǵımarattyń jalpy aýdany – 8843,82 m2. Búgingi tańǵa shatyry jabylǵan, ishki jáne syrtqy árleý jumystary júrgizilýde.
Túrkistan qalasyndaǵy Tótenshe jaǵdaılar departamenti men órt sóńdirý jáne avarııalyq-qutqarý jumystary qyzmeti memlekettik mekemesiniń ǵımaraty 3 myń sharshy metr. 3 qabatty ǵımarattyń irgetasy qalanyp, qabyrǵasy kóterilgen.
