Túrkistanda polıtseıge para bermek bolǵan júrgizýshi ustaldy

TÚRKІSTAN. QazAqparat - Túrkistan oblysynyń polıtseıleri tártip saqshylaryna para berýge tyrysqan júrgizýshini ustady, dep habarlaıdy QazAqparat oblystyq polıtsııa departamentine silteme jasap.

19 aqpan shamamen saǵat 17:15-te Túrkistan qalasy JPB patrýldik polıtsııa ınspektorlary Túrkistan oblystyq PD Ózindik qaýipsizdik basqarmasymen birlese otyryp, Túrkistan qalasynyń turǵynyn ustady. Ol atalǵan ınspektorlarǵa 10 myń teńge kóleminde aqsha usynǵan.

«Anyqtalǵandaı, qarsy qozǵalys jolaǵyna shyǵyp, ereje buzǵan «Toıota» avtokóliginiń júrgizýshisi kólikti aıyp turaǵyna qoıdyrmaý jáne jaýapkershilikke tartylmas úshin polıtseılerge para berýge tyrysqan. Bul oqıǵa týraly tártip saqshylary birden Túrkistan oblysy PD Ózindik qaýipsizdik basqarmasyna habarlaıdy. Nátıjesinde quqyq buzýshy oqıǵa ornynda ustaldy» delingen habarlamada.

Qazirgi ýaqytta atalǵan jaıt negizinde QR QK 367-babynyń 1-bóligi boıynsha sotqa deıingi tergeý júrip jatyr. Kúdikti óz kinásin tolyq moıyndap, aıǵaq zat alyndy. Avtokólik aıyp turaǵyna qoıyldy.

Sonymen qatar, júrgizýshige qatysty QR ÁQBtK 596-babynyń 3-bóligimen ákimshilik hattama toltyryldy.