Túrkistanda paravoleıboldan ardagerler arasynda respýblıkalyq chempıonat ótýde
TÚRKІSTAN. QazAqparat - Túrkistanda para voleıboldan ardagerler arasynda respýblıkalyq chempıonat bastaldy, dep habarlaıdy QazAqparat tilshisi.
Tirek-qımyl apparaty zaqymdanǵan múmkindigi shekteýli jandar arasyndaǵy dodaǵa ardager sportshylar qatysyp jatyr.
El birinshiliginde Nur-Sultan, Shymkent qalalarynan bólek óńirlerden kelgen 6 komanda baq synaýda. Úzdik dep tanylǵan júldegerlerge kýbok, medaldar men dıplomdar tabystalady.
Salaýatty ómir saltyn nasıhattaý jáne múmkindigi shekteýli azamattardy sport álemine kóptep tartýǵa jaǵdaı jasaý maqsatynda ótip jatqan saıysqa qatysýshylar 11-13 naýryz aralyǵynda ózara úzdikterdi anyqtaıdy.
Aıta keteıik, respýblıkada besinshi ret uıymdastyrylyp otyrǵan jarys Túrkistanda tuńǵysh ret ótýde.
