Túrkistanda Ózbekáli Jánibekovtiń 90 jasqa tolýyna oraı eske alý sharasy ótti

TÚRKІSTAN. QazAqparat - Búgin Túrkistanda Ózbekáli Jánibekovti eske alýǵa arnalǵan dóńgelek ústel ótti. Ult rýhyn ulyqtaǵan tulǵanyń 90 jasqa tolýyna oraı ótken sharaǵa QR Mádenıet jáne sport mınıstri A. Raıymqulova, Túrkistan oblysy ákimdiginiń ókilderi, elimizdiń beldi qoǵam, mádenıet jáne ǵylym qaıratkerleri qatysty, dep habarlaıdy QazAqparat tilshisi.

Mınıstr Aqtoty Raıymqulova saltanatty jıyndy ashý sózinde bıyl Túrkitildes memleketterdiń yntymaqtastyq keńesiniń beıresmı sammıtiniń qorytyndysy boıynsha Túrkistan qalasy – Túrki áleminiń rýhanı astanasy dep jarııalanǵandyǵyn atap óte kele, elimizde rýhanı qazynamyzdy saqtap, urpaqqa jetkizýdi kózdeıtin memlekettik deńgeıdegi túrli bastamalar turaqty túrde qabyldanyp keletindigin jetkizdi. Sonymen qatar, mınıstr Ózbekáli Jánibekovtiń XX ǵasyrdyӊ 70-shi jyldary Keńes úkimetiniń dáýirlep turǵan ýaqytynda Qoja Ahmet ıAsaýı kesenesiniӊ qaıta qalpyna keltirilýine uıytqy bolyp, áýlıe kesenesi negizinde «Áziret Sultan» qoryq-mýzeıiniń qurylýyna orasan zor eńbek etkendigine erekshe toqtaldy.

«Osyndaı iri tulǵa Qazaqsannyń mádenıetine, tarıhyna óziniń eńbegin sirip ketken ult azamaty, ult rýhyn ulyqtaǵan Ózbekáli Jánibekovtiń murasy alda da óziniń jalǵasyn tabady dep oılaımyn. Sonymen qatar jastardy tárbıeleýde, ózimizdiń egemendigimizdiń ári qaraı ulyqtaýyna Jánibekovtiń murasy septigin tıgizedi degen senimdemin»,- dedi Aqtoty Raıymqulova.

Ózbekáli Jánibekovty eske alý sharalary dóńgelek ústelmen shektelip qoımaı, taqyryptyq kórmeniń ashylýy, professor Qulbek Sársenulynyń «Ulttyń uıytqysy» atty Ó.Jánibekov týraly estelik kitaptyń tusaýkeser rásimi jáne «Turan» etnografııalyq tobynyń kontsertimen jalǵasty.

Aıta ketý kerek, ulttyq mádenıetimizdiń qaıta jańǵyrýyna erekshe úles qosqan qaıratkerdi ulyqtaý maqsatynda Mádenıet jáne sport mınıstrligi 2018 jyldan beri Mádenıet jáne óner salasy uıymdary men qyzmetkerleriniń «Rýhanı qazyna» respýblıkalyq festıvalinde Ózbekáli Jánibekov atyndaǵy arnaıy júldeni taǵaıyndap keledi. Búginde Túrkistan oblysynda Otyrar memlekettik arheologııalyq mýzeı-qoryǵyna qarasty Arystanbab kesenesiniń irgesinde ıAssaýı ilimin jalǵastyrýshy Qurban Jamanbaıuly men Ózbekáli Jánibekovtiń kesenesi ornalasqan. Bul keseneler Otyrar mýzeı-qoryǵynyń aýmaǵynda bolýyna baılanysty A. Raıymqulova Mádenıet komıtetine atalmysh mýzeı-qoryǵynyń qaramaǵyna alý boıynsha jumystardy júrgizýdi tapsyrdy.