Túrkistanda oıyn qurylǵylaryn jalǵa alǵan jigit olardy lombardqa ótkizip jibergen
TÚRKІSTAN. QazAqparat – Túrkistan oblysynda jergilikti turǵyn kásipkerlerden oıyn qurylǵylaryn jalǵa alyp, lombardqa ótkizip jibergen. Sóıtip tapqan aqshany óz paıdasyna jaratyp kelgeni anyqtaldy, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, tártip saqshylaryna birneshe kásipker aryzdanǵan. Olardyń aıtýynsha, oıyn qurylǵylary men tehnıkany jalǵa alǵan adam artynsha joǵalyp ketken. Jábirlenýshiniń biri kúdiktiniń eki oıyn qurylǵysyn qaıtarmaı, 400 myń teńge shyǵyn keltirgenin jetkizgen.
Túrkistan qalalyq PB jedel-tergeý toby kúdikti retinde Shymkent qalasynyń turǵynyn ustady. Onyń buryn da alaıaqtyq jasap, sottalǵany belgili bolǵan. Tergeý barysynda ustalǵan jigittiń adamdardyń senimine kirý arqyly olardyń oıyn qurylǵylary men basqa da tehnıkalaryn alyp, qaıtarmaı júrgeni rastalǵan. Ol tehnıkalardy lombardqa ótkizip, aqshasyn jumsaǵanyn aıtqan.
«Polıtseıler kúdiktiniń jalpy 9 alaıaq iske qatysy bar ekenin anyqtady. Jábirlenýshilerge keltirilgen shyǵynnyń jalpy kólemi 4 mıllıonnan teńgeden asyp ketken. Qazirgi ýaqytta atalǵan jaıt Qylmystyq kodektiń 190-baby «Alaıaqtyq» boıynsha tirkelip, sotqa deıingi tergeý amaly júrgizilip jatyr. Kúdikti qamaýǵa alynyp, polıtsııa qyzmetkerleri ustalǵan azamattyń basqa da alaıaqtyq derekterine qatysy bar-joǵyn tekserýde» delingen habarlamada.
