Túrkistanda «Otbasyńmen on tal ek!» aktsııasy bastaldy
TÚRKІSTAN. QazAqparat – Túrkistandyqtar jasyl jelektiń jaıqalýyna januıasymen úles qosýda. Búgin qalada 5 myńnan astam turǵyn senbilikke shyǵyp, aǵash otyrǵyzdy, dep habarlaıdy QazAqparat tilshisi.
Urpaqtar sabaqtastyǵyn nyǵaıtý, qorshaǵan ortany qorǵaýda ujymdyq jaýapkershilik qalyptastyrý, turǵyndardy aǵash egýge jumyldyrý arqyly tabıǵatty qorǵaýǵa yntalandyrý, jas urpaq arasynda salaýatty ómir salty men erik-jigerdi shyńdaý maqsatynda uıymdastyrylǵan sharaǵa túrkistandyq turǵyndar belsendilikpen qatysýda.
Ekoaktsııa aıasynda «Samal», «Otyrar», 1,2 móltek aýdandarynda jáne Túrkistan-Qyzylorda avtojolynyń boıyna, mektep aýlalaryna aǵashtar kóshetteri otyrǵyzyldy.
