Túrkistanda Ortalyq Azııa memleketteriniń birinshi Parlamentaralyq forýmy ótýde
Bes eldiń Parlament Palatalarynyń delegatsııalary parlamentaralyq qatynastardy keńeıtýdiń basym baǵyttary men birtutas rýhanı-mádenı keńistikti damytýdyń ózekti máselelerin talqylaýda.
Qazir Qazaqstan, Qyrǵyzstan, Ózbekstan, Tájikstan jáne Túrkimenstan parlamentshileri eki jaqty kezdesýler ótkizip, ár túrli saladaǵy birneshe mańyzdy másele talqylaýda. Atap aıtqanda kópten beri elimizdiń ońtústigindegi 3 mln-nan astam halyqty mazalap kelgen shekaralyq sý máselesi kóteriledi. Buǵan deıin transshekaralyq sý resýrstaryn birlesip paıdalaný, ekologııalyq jáne energetıkalyq turaqtylyqty qamtamasyz etý sııaqty aımaqtaǵy ózekti máseleler osy forým aıasynda sóz bolmaq.
Sarapshylardyń pikirinshe, Ortalyq Azııa elderimen yntymaqtastyqtyń artýy - Qazaqstan úshin óńiraralyq qarym-qatynastardyń damýyna oń yqpalyn tıgizbek. Jalpy búgingi forým – Ortalyq Azııa óńirin damytýdyń strategııalyq baǵyttaryn parlamentarııler arasynda talqylaýǵa arnalǵan turaqty alań sanalyp otyr. Óńirlik qaýipsizdik máseleleri, birlesken ınfraqurylymdyq jáne logıstıkalyq jobalardy iske asyrý, óńirdiń tranzıttik-kóliktik áleýetin iske asyrý, Ortalyq Azııa elderi tartylǵan taýarlardy jetkizýdiń balamaly marshrýttaryn qurý máseleleriniń oń sheshimin tabýyna yqpal etpek.
Foto: QR Senatynyń baspasóz qyzmeti
