Túrkistanda on jyl izdeýde júrgen barymtashy sottaldy
Túrkistan qalasynyń prokýrory Rýslan Ábdiraıymovtyń sózinshe, ákki ury quzyrly organ ókilderiniń mal jáne páter urlyǵyn jasaýǵa beıim adamdardy anyqtaý jumystaryn júrgizý kezinde ustalǵan. Ol qalada sońǵy eki jylda toppen birge úsh ret urlaǵan. ıAǵnı, «Gazel» avtokóligimen urlanǵan maldardy tasymaldaǵan.
«Barymtashy tergeý kezinde bergen jaýabynda «maldyń urlanǵan ekenin bilmedim» dep, únemi tek urynyń malyn tasymaldaýǵa jaldanǵan adam sııaqty kóringisi kelgen. Alaıda onyń basqa qylmystarǵa qatysy baryn teksergende, 9 jyl buryn 3 mln teńgeniń iri qara malyn urlaǵany anyqtaldy. Muraǵatta jatqan qylmystyq is boıynsha, ıaǵnı 2008 jyly 4 sáýirde Sozaq aýdanyndaǵy Jartytóbe aýylynda mal urlanǵan jerden tabylǵan ydysta osy «B» degen azamattyń saýsaq izderi tabyldy»,-deıdi qala prokýrory.
Al, búgin Túrkistan qalalyq soty birneshe mal urlyǵyn jasaǵan barymtashyny 3 jyl 6 aıǵa bas bostandyǵynan aıyrdy. Onyń sybaılasy bolsa 3 jylǵa temir torǵa jabyldy. Prokýrordyń aıtýynsha qala aýmaǵynda tórt túlikti urlaıtyndarmen kúres jumystary áli de jalǵasatyn bolady.