Túrkistanda oqýshylardyń jappaı tóbelesine qatysty sot otyrysy bastaldy
TÚRKІSTAN. QazAqparat - Túrkistanda mektep oqýshylarynyń jappaı tóbelesine qatysty is boıynsha sot otyrysy bastaldy. Bul týraly oblystyq sottyń baspasóz qyzmetinen málim etti, dep habarlaıdy QazAqparat tilshisi.
Búgin Túrkistan oblysynyń kámeletke tolmaǵandar isteri jónindegi mamandandyrylǵan aýdanaralyq sotynda jaǵa jyrtystyń arasynda boldy degen tórt oqýshyǵa qatysty alǵashqy sot otyrysy bastaldy. Tórt oqýshyǵa QR QK-niń 293-baby 2-bóliginiń 1-tarmaǵy («Adamdar toby, aldyn ala sóz baılasý arqyly buzaqylyq jasaý») boıynsha aıyp taǵylǵan.
Qylmystyq is Túrkistan oblysynyń kámeletke tolmaǵandar isteri jónindegi mamandandyrylǵan aýdanaralyq sotynyń óndirisine bıylǵy 3 sáýirde túsken.
«Іs materıaldaryna sáıkes, aıyptalýshy - kámeletke tolmaǵandar Túrkistan qalasynda adamdar tobymen aldyn ala sóz baılasý arqyly buzaqylyq jasaǵan. ıAǵnı kámelet jasyna tolmaǵan jábirlenýshilerge kúsh qoldanǵan. Alǵashqy sot otyrysy búgin, 15 sáýir kúni Túrkistan qalasy №18 mekteptiń akt zalynda, ıaǵnı kóshpeli sot otyrysynda qaraldy», - delingen habarlamada.
Eske salaıyq, aǵymdaǵy jyldyń qańtar aıynda áleýmettik jelide oqýshylardyń bir-birine jasaǵan ozbyrlyǵy túsirilgen vıdeo tarap ketken bolatyn. Onda bir top oqýshy ózderiniń qatarlastaryna álimjettik jasap, oıyna kelgenin jasaýǵa tyrysqany kórinedi. Áýeli olar jetkinshekterdiń tilin temekimen kúıdirmek bolady. Keıinnen buzaqylyq oqıǵasy Túrkistan qalasyndaǵy 4-mekteptiń 9-synyp oqýshylary arasynda sabaqtan tys ýaqytta bolǵany anyqtalǵan. Oqýshylardy uryp-soqqandarǵa qatysty qylmystyq is qozǵalyp, tergeý amaldary júrgizildi.
