Túrkistanda oblystyq kolledj oqytýshylary arasynda sporttyq saıys ótti
ShYMKENT. QazAqparat - Ońtústik Qazaqstan oblysynda kolledj oqytýshylary arasynda sporttyq saıys ótti. Túrkistan shaharynda uıymdastyrylǵan shara kıeli mekendegi tehnıkalyq kolledjdiń 80 jyldyq mereıtoıyna arnaldy, dep habarlaıdy QazAqparat tilshisi.
Jarysqa oblystaǵy 17 kolledj ujymy qatysty. Kúndelikti bilim protsesinen qoly bosaı bermeıtin oqytýshylar sporttyq saıystar boıynsha baǵyn synap, myqtylyqtaryn tanytty. Eki kúnge sozylǵan jarysta bilim berýshi qyzmetkerler sporttyq oıyndardyń 6 túrinen saıysty.
Sala mamandarynyń sózinshe, salaýatty ómir saltyn stýdentterge nasıhattaý - jaı is emes. Ol ustazdardan úlken jaýapkershilikti, úlgi bolarlyq daǵdyny talap etedi. Osylaı degen oqytýshylar bul jarysty ótkizýdegi túpki maqsat - oblystyń pedagog kadrlarynyń ózara áriptestigi men birligin nyǵaıtý dep biledi.
«Sporttyq saıys Elbasy maqalasyndaǵy rýhanı jańǵyrý nıetin oryndaý maqsatynda uıymdastyrylyp otyr. Memlekettiń negizgi kapıtaly - ult jáne onyń saýlyǵy desek, Elbasy maqalasynda bul qaǵıdanyń ózindiń máni bar. Osyny eskere otyryp biz kelesi kezekte ótkiziletin is-sharalardy da rýhanı jańǵyrý mindetterimen sabaqtastyra túspekpiz»,-deıdi oblystyq bilim basqarmasynyń ádistemelik kabınetiniń bólim basshysy Ulasbek Lesbaıuly.
