Túrkistanda oblystar, ulttyq kompanııalar men bıznestiń qatysýymen 28 nysannyń qurylysy salynýda
TÚRKІSTAN. QazAqparat – Búgingi tańda Túrkistan qalasynda óńirlerdiń, ulttyq kompanııalar men bıznestiń qatysýymen 28 nysannyń qurylysy júrgizilýde. Qalanyń rýhanı-mádenı ortalyǵynda 10 nysannyń ǵımaraty salynýda, dep habarlaıdy QazAqparat tilshisi.
Máselen, ákimshilik-iskerlik ortalyqta 16 nysan turǵyzylady dep josparlanǵan. Olardyń ishinde oblys ákimdigi, basqarmalar, departamentter, kongress-ortalyǵy, medıa-ortalyǵynyń ǵımaraty, Nur-Sultan alańy, oqýshylar saraıy, stadıon, mýzykalyq mektep, sandyq keńse, basseıni bar sport kesheni, Smart sıtı baılanys júıesi, olımpıada rezerviniń sport mektebi, qalalyq saıabaq, týrızm kolledji jáne halyqqa qyzmet kórsetý ortalyǵynyń ǵımarattary bar.
Sonymen qatar, qalanyń rýhanı-mádenı ortalyǵynda 10 nysannyń qurylysy júrgizilýde. Atap óter bolsaq, mýzykalyq sýburqaq, shyǵys monshasy, Neke saraıy, «Uly dala eli» ortalyǵy, drama teatry, qabyldaý ortalyǵy, Q. A. ıAssaýı atyndaǵy murajaı, ǵylymı-ámbebap kitaphanasy, «Uly Jibek joly» qolónershiler ortalyǵy jáne amfıteatr. Jalpy, bıylǵy jyldyń sońyna deıin 11 nysandy paıdalanýǵa berý josparlanýda. Nysandardyń qurylysy eki aýysymda júrgizilýde.
