Túrkistanda «Nur Otan» partııasynyń kadrlyq rezervine irikteý jobasy aıasynda ashyq pikirsaıys ótti

TÚRKІSTAN. QazAqparat – Túrkistan oblysy Túlkibas aýdanynda «Nur Otan» partııasynyń kadrlyq rezervine irikteý jobasy aıasynda úmitkerler arasynda ashyq pikirsaıys ótti. Úsh kezeńnen turatyn pikirtalasta qatysýshylar óz baǵdarlamalaryn tanystyryp, saılaý okrýginiń ózekti máselelerin sheshý joldary boıynsha oılaryn ortaǵa saldy, dep habarlaıdy QazAqparat tilshisi.

​Sonymen qatar pikirtalasqa qatysýshylar bir-birine suraq qoıdy. Saıası debatqa turǵyndardyń qyzyǵýshylyǵy joǵary boldy. Úmitkerler aýdandaǵy ózekti máselelerdi qozǵap, saılaýaldy baǵdarlamalaryn usyna bildi.

Máselen, M.Baıgarshaev, J.Qarabalaev, G.Berdıeva, Q.Spabekova, K.Jartybaev, J.Aqylbaeva syndy úmitkerler debatta bilimdiligimen kózge tústi. Pikirtalastar 15 qarashada márege jetedi dep kútilýde. Al, 16 qarashada aýdandaǵy bastaýysh partııa uıymynyń músheleri úmitkerlerge daýys berip, úzdikterdi anyqtaıtyn bolady.

Aıta keteıik, Elbasy jáne partııa Tóraǵasy N.Á.Nazarbaevtyń 2019 jyldyń 21 tamyzyndaǵy «Nur Otan» partııasynyń Saıası keńesiniń keńeıtilgen otyrysynda aıtylǵan «Senim. Dıalog. Bolashaqqa nyq​ qadam- partııanyń 7 serpini» baǵdarlamasyna​ sáıkes, Túlkibas aýdanynda kadrlyq​ rezervine irikteý jumystary júrgizilgeni belgili.​

Elimiz boıynsha pılottyq joba retinde ótkizilip jatqan «Nur Otan» partııasynyń kadrlyq rezervine irikteý jumystary josparǵa oraı kezeń–kezeń boıynsha atqarylýda. Fılıalǵa qarasty 23 bastaýysh partııa uıymynyń múshelerimen túsindirý jumystary​ júrgizilip,​ ashyq​ ádiletti​ túrde kandıdattardy tirkeý​ 4 qarashada aıaqtaldy.

Aýmaqtyq partııa fılalyna kadrlyq rezervti irikteýge 100 úmitker qujattaryn​ tapsyryp,​ tirkeýge​ alyndy. Pılottyq joba boıynsha 5-15 qarasha aralyǵynda ekinshi kezeńdegi úgit-nasıhat jumystary bastaldy dep kútilýde. Qarashanyń 8-12 aralyǵynda 222 kezdesý, debat jáne is-shara ótkizilip, 20 myńnan astam adam qamtylmaq.