Túrkistanda Ninety One tobynyń kontserti ótpeıtin boldy - uıymdastyrýshy
TÚRKІSTAN. QazAqparat - Kópshiliktiń narazylyǵynan keıin Túrkistan qalasynda «Ninety One» jáne «Shiza» toptarynyń kontserti ótpeıtin boldy, dep habarlaıdy QazAqparat tilshisi.
«Túrkistan qalasynyń ákimdigi turǵyndar narazylyǵyn eskere otyryp, sharany uıymdastyrýshy «Kerýen saraı» týrıstik kesheniniń basshylyǵyna kontsertti ótkizbeý jóninde usynys joldady. Nátıjesinde, keshen ákimshiligi atalǵan ánshilermen kelisimdi buzǵanyn habarlaımyz», - dep habarlady «Kerýen saraı» ákimshiligi.
Aıta keteıik, 28 mamyr kúni «Ninety One», al 4 maýsymda «Shiza» tobynyń kontserti ótýi kerek bolatyn. Alaıda, jergilikti turǵyndar jeli arqyly qos toptyń kontsert qoıýyna qarsylyq bildirdi. Kópshilik olardyń rýhanı astanada óner kórsetýi durys emes degen mazmunda pikir jazǵan.
