Túrkistanda Nazarbaev zııatkerlik mektebi ashylady – qala ákimi
TÚRKІSTAN. QazAqparat – Túrkistan qalasynda Nazarbaev zııatkerlik mektebi ashylatyn boldy. Bul týraly qala ákimi Rashıd Aıýpov ustazdardy marapattaý kezinde málimdedi, dep habarlaıdy QazAqparat tilshisi.
«Ustazdar kúni» qarsańynda uıymdastyrylǵan sharada shahar basshysy sondaı-aq bilim salasy qyzmetkerleriniń eńbegin erekshe atap ótip, izgi tilegin jetkizdi.
«Muǵalim bolý úlken baqyt. Adam tolyq qabiletin ata anasynan, mekteptegi ustazynan, qoǵamnan jáne osynyń bárin boıyna jınap, óziniń alyp shyqqan nátıjesinen kórsete alady. Sondyqtan, adamnyń tulǵa bolyp qalyptasýynda ustazdardyń alar orny erekshe. Barsha «Ustaz» degen uly atty arqalap júrgen jandardyń qyzmetine alǵys aıtamyn», - dedi qala ákimi.
⠀«ZOOM» formatynda ótken kezdesýde sondaı-aq oqýshylar ustazdarǵa án arnasa, ardager muǵalimder qyzmetke jańadan kelgen jas mamandarǵa tabys tiledi.
Shara sońynda Rashıd Abatuly muǵalimderge án arnaǵan mektep oqýshysyna óz galstýgyn syıǵa tartyp, bolashaqta elimizdi damytýǵa úles qosýyna tilektes ekendigin jetkizdi.
