Túrkistanda Naýryz kezinde 42 mádenı is-shara ótedi
ASTANA. QazAqparat - Ońtústik Qazaqstan oblysynyń ákimi Janseıit Túımebaev Túrkistan qalasyna arnaıy is-saparmen baryp, «Túrkistan - Túrki áleminiń mádenı astanasy» is-sharasyna daıyndyq jumystarymen tanysty. Bul týraly ákimniń baspasóz qyzmeti habarlady.
Óńir basshysy aldymen halyqaralyq deńgeıde toılanǵaly otyrǵan Naýryz merekesi ótetin alańda bolyp, qonaqtarǵa qazaqtyń salt-dástúrin pash etetin etnoaýyl men qolóner qalashyǵyn aralap kórdi. Ondaǵy maqsat -halyqaralyq deńgeıdegi mádenı sharanyń ashylý saltanaty men túrki álemine ortaq Naýryz merekesin joǵary deńgeıde atap ótý.
Munan soń oblys ákimi halyqaralyq mádenı sharaǵa jaýapty jumysshy tobynyń esebin tyńdady. Top jetekshisi, oblys ákiminiń orynbasary Ulasbek Sádibekov «Túrkistan - Túrki áleminiń mádenı astanasy» aıasynda atqarylatyn jumystardyń jaı-japsaryn baıandady. 
«Búgingi kúnge keletin qonaqtardyń jalpy sany jobamen 800 adamdy qurap otyr. Jalpy is-sharaǵa 4-5 myń halyq qatysady dep josparlanýda. Shara aıasynda Q.A.ıAsaýı atyndaǵy Halyqaralyq Qazaq-Túrik ýnıversıtetinde 22 naýryz kúni resmı qonaqtardyń qatysýymen «Túrkistan jáne Túrkologııa» atty halyqaralyq ǵylymı-teorııalyq konferentsııa ótkizý josparlanýda. Konferentsııa qorytyndysy boıynsha arnaıy eńbek jınaǵy shyǵarylatyn bolady», - dedi Ulasbek Sádibekuly.
Ońtústik jurtyn aýqymdy is-sharaǵa atsalysýǵa shaqyrǵan óńir basshysy atqarylýǵa tıis birqatar máselelerge nazar aýdarý qajettigin eskertti. Sondaı-aq, ol qala kósheleri men is-shara ótetin aýmaqty bezendirý, qonaqtardy oblystaǵy tarıhı-mádenı oryndarmen tanystyrý, til biletin mamandarmen qamtamasyz etýdi júktedi.
«Elimizde aldymen Astana qalasynyń, endi er túriktiń besigi bolǵan Túrkistannyń osyndaı marapatqa ıe bolýy elimiz úshin onyń ishinde Ońtústik óńiri úshin zor maqtanysh. Sondyqtanda jalpy josparlanǵan jumystardy joǵary deńgeıde ótkizý barshamyzdyń ortaq mindetimiz. Jaýapty sátte jumyla jumys istep, qazaq halqynyń qonaqjaı peıilin túrki jurtyna pash etýge tıistimiz», - dedi Janseıit Qanseıituly.
Ulttyq kádesyılardyń erekshe úlgilerin ázirlep jatqan jergilikti sheberler jumysyna oń baǵa bergen oblys ákimi májilisti qorytyndylaı kele júktelgen mindetter men tapsyrmalardy tıisti qala, aýdan ákimderi men basqarma basshylaryna sonymen qatar salalyq túrli jetekshilerge óz merziminde ári sapaly oryndalýyn tapsyrdy.
Jalpy «Túrkistan - Túrki áleminiń mádenı astanasy» baǵdarlamasy aıasynda 42 mádenı is-shara ótedi dep josparlanýda. Onyń 14-i «TÚRKSOI» halyqaralyq uıymy tarapynan ótkizilse, altaýyn elimizdiń Mádenıet jáne sport mınıstrligi, 21-in Ońtústik Qazaqstan oblysy ákimdigi uıymdastyrady.
Aıta keteıik, budan bólek, Túrkistan qalasynda túbi túrki tildes halyqtar teatry, opera, tsırk, bı, satıra, dástúrli óner jáne anımatsııalyq fılmderdiń festıvali ótkiziledi. Sonymen qatar aqyndar aıtysy, túrki memleketteri áıelderiniń forýmy, túrki əlemi jýrnalısteriniń forýmy sýretshilerdiń kezdesýi, qolóner sheberleriniń festıvali, ádebı jýrnaldar redaktorlarynyń kongresi, aqyn, jazýshylarmen kezdesýler ótkizý josparlanyp otyr.
