Túrkistanda múmkindigi shekteýli balalar arasynda qolóner baıqaýy ótti
ShYMKENT. QazAqparat - El Táýelsizdiginiń 25 jyldyǵyna oraı Ońtústik Qazaqstan oblysynyń Arys qalasynda merekelik sharalar kóptep ótýde, dep habarlaıdy qala ákimdiginiń baspasóz qyzmeti. Solardyń biri - «Úıde áleýmettik qyzmet kórsetý» KMM-nyń uıymdastyrýymen múmkindigi shekteýli múgedek balalar arasynda «Álem balalar kózimen» taqyrybynda qolóner sheberleriniń baıqaýy ótti.
Baıqaýdyń maqsaty Qazaqstan tarıhyn bilýge, jastardy patrıottyq sezimge baýlý, jasóspirimderdiń ýaqytyn tıimdi paıdalaný, daryndy jastardy qoldaý bolyp tabylady.Týǵan jer, ásem tabıǵat pen patrıottyq taqyryptarda ózderiniń oı qııaldarynan keremet týyndylar usyndy.
Baıqaý qorytyndysy boıynsha І-oryndy R.Qurmanhan ıelense, ІІ-oryndy D.Qýanysh aldy, al ІІІ-oryn alǵan B.Tólenge uıymdastyrýshylar atynan maqtaý qaǵazdary men baǵaly syılyqtar tabys etti. Sonymen qatar osy kúni qalalyq Bilim bólimi memlekettik mekemesiniń bilim berý mekemelerinde «Meıirimdi júrek» qaıyrymdylyq aktsııasy ótti.
Atalǵan aktsııaǵa halyq qalaýlylary, mektep túlekteri, ardager ustazdar, kásipker azamattar, ata-analar men mektep ujymdary qatysty. Áleýmettik jaǵdaıy tómen otbasylarǵa demeýshiler tarapynan azyq-túlik ónimderi jáne qarjylaı kómekter kórsetildi. Mundaı ıgi ister aldaǵy ýaqytta da jalǵasyn tabatyn bolady.
