Túrkistanda Memlekettik rámizder kúnine oraı «Meniń týym» aktsııasy ótti

TÚRKІSTAN. QazAqparat – Túrkistan oblysynyń barlyq qala-aýdandarynda «Meniń týym» aktsııasy ótti, dep habarlaıdy QazAqparat tilshisi.

Memlekettik rámizder kúnine oraı uıymdastyrylǵan sharada barlyq memlekettik jáne kásipkerlik nysandardardyń balkondary men aýlalaryna memlekettik týlar ilinip, Ánuran shyrqaldy.

Qazaqstandyqtardyń Memlekettik rámizderge degen qurmetin arttyrý men óskeleń urpaqtyń patrıottyq sanasyn jańǵyrtý maqsatynda uıymdastyrylǵan aktsııa aıasynda aýdan, qala kóshelerinde tý men eltańbany kótergen avtokólik sherýi ótti.

Oblys jurtshylyǵyna rámizderdiń shyǵý tarıhy men beınelerin keńinen nasıhattaýǵa baǵyttalǵan Memlekettik tý beınelengen túrli kórneki úgit quraldary taratyldy.

Aıta keteıik, Qazaqstan Respýblıkasy Memlekettik rámizderi 1992 jyly 4 maýsymda resmı túrde bekitilgen bolatyn. Memleketimizdiń egemendigi men birtutastyǵyn dáleldegen osy aıtýly kúnnen beri 28 jyl ótti.