Túrkistanda memlekettik qyzmetshiler marafonǵa qatysty
TÚRKІSTAN. QazAqparat – Túrkistan qalasynda memlekettik qyzmetshilerdiń qatysýymen marafon uıymdastyryldy.
Sporttyq sharaǵa qatysýshylar 2400 metr qashyqtyqqa júgirdi, dep habarlaıdy QazAqparat tilshisi.
Memlekettik qyzmetshilerdiń arasynda otansúıgishtik, patrıottyq sezimin oıatý maqsatynda uıymdastyrylǵan shara «Jemqorlyqsyz salaýatty qoǵam» uranymen ótti. Qatysýshylar qalanyń ortalyǵynan «Rámizder alańyna» deıin júgirdi. Márege jetken jeńimpazdardy oblystyq dene shynyqtyrý jáne sport basqarmasynyń basshysy Polat Qyryqbaev quttyqtap, dıplommen jáne baǵaly syılyqtarmen marapattady.
Aıta keteıik, marafon halyqty salaýatty ómir saltyna baýlý jáne nasıhattaýǵa, memlekettik qyzmetshilerdi dene mádenıeti jáne sportpen júıeli aınalysýǵa tartý maqsatynda uıymdastyryldy.
