Túrkistanda memlekettik qyzmetshiler arasynda shaǵyn fýtboldan birinshilik ótti
TÚRKІSTAN. QazAqparat – Túrkistan oblysynda quqyq qorǵaý organdary men memlekettik qyzmetshi arasynda shaǵyn fýtboldan birinshilik ótti. Salaýatty ómir saltyn nasıhattaý maqsatynda uıymdastyrylǵan sport jarysyna barlyq departament, basqarmalar men ishki ister organdarynyń qyzmetkerleri qatysty, dep habarlaıdy QazAqparat tilshisi.
Jarys barysynda memlekettik qyzmetkerlerden qurylǵan árbir komanda turaqty túrde fýtbol oınap turatynyn kórsetti. Kóktem maýsymyndaǵy birinshilikte jasyl alańǵa shyqqan Memlekettik qyzmet isteri departamenti, Ulttyq qaýipsizdik komıteti men Sybaılas jemqorlyqqa qarsy is-qımyl agenttigi oblystyq bıýrosynyń «Antıkor» komandalary, Túrkistan oblysy ákimi apparatynyń quramasy ózdiriniń myqtylyqtaryn baıqatty. Budan basqa óńirlik Ádilet departamenti, Qarjy jáne aktıvter basqarmasy men aýyl sharýashylyq, bilim jáne qurylys,strategııa jáne ekonomıkalyq damý basqarmalarynyń memlekettik qyzmetkerleri de yntymaqty ujym ekendikterin tanytty. Jasyl alańda sonda-aq, oblystyq Іshki ister basqarmasy men jer ınspektsııa, memlekettik sáýlet qurylys baqylaý basqarmasy men jer qatynystary basqarmasynyń komandalary, Tsıfrlandyrý, memlekettik qyzmetter kórsetý basqarmasy quramalarynyń fýtbolshylary da myqtylyqtaryn dáleldeýge tyrysty. Osylaısha, ashyq birinshilikte oblystyq 8 departament pen 9 basqarmasynyń qyzmetkerleri dostyq pen birlikti, sportty nasıhattap tarqasty.
