Túrkistanda memlekettik qyzmet kórsetý jármeńkesi ótti

ShYMKENT. QazAqparat - Túrkistan qalasynda memlekettik qyzmet kórsetý  jármeńkesi ótti. Sharaǵa jer qatynastary, ádilet, salyq, AHAJ, jumyspen qamtý jáne áleýmettik baǵdarlamalar, sáýlet jáne qala qurylysy, bilim, turǵyn úı-kommýnaldyq sharýashylyǵy, kóshi-qon salalarynyń ýákiletti ókilderi men jaýapty mamandary qatysty, dep habarlaıdy QazAqparat tilshisi.  

Jármeńkeni Memlekettik qyzmet isteri jáne sybaılas jemqorlyqqa qarsy is-qımyl agenttiginiń oblystyq Departamenti men oblystyq «Azamattarǵa arnalǵan úkimet» memlekettik korporatsııasy jáne Túrkistan qalasy ákimdigi birlesip ótkizdi. Shara barysynda halyqqa kórsetiletin memlekettik qyzmetterdi alýdyń tártibi túsindirilip, azamattar mobıldik HQKO arqyly elektrondyq tsıfrlyq qoltańba aldy.  Turǵyndarǵa quqyqtary túsindirilip, broshıýralar taratyldy. Sala  mamandarynyń sózinshe, memlekette qazir 746 qyzmet túri bar. Sonyń 621 korporatsııa arqyly júzege asyrylady. 542 qyzmet elektrondyq úkimet portaly arqyly jasalǵandyqtan kez kelgen azamat ınternet arqyly  452 qyzmet túrin paıdalana alady.