Túrkistanda Memlekettik hatshynyń qatysýymen Halyqaralyq «Qazaq tili» qoǵamynyń quryltaıy bastaldy

TÚRKІSTAN. QazAqparat - Búgin Túrkistan qalasynda Halyqaralyq «Qazaq tili» qoǵamynyń VI quryltaıy bastaldy. Aýqymdy sharaǵa QR Memlekettik hatshysy Qyrymbek Kósherbaev, Premer-Mınıstrdiń orynbasary Eraly Toǵjanov, sondaı-aq Bilim jáne ǵylym mınıstri Ashat Aımaǵambetov jáne Parlament depýtattary qatysýda, dep habarlaıdy QazAqparat tilshisi.

Túrkistan qalasyndaǵy «Farab» kitaphanasynda ótip jatqan quryltaı, sondaı-aq elimizdiń barlyq óńirinen kelgen qoǵam qaıratkerleri men zııaly qaýym ókilderiniń, oblystar men qala basshylary bastaǵan delegattardyń basyn qosty.

Jınalǵan qaýym aldynda Memlekettik hatshy Qyrymbek Kósherbaev baıandama jasap, keleli basqosýdyń mańyzdylyǵyna toqtaldy.

Jıynda sondaı-aq, Halyqaralyq «Qazaq tili» qoǵamynyń jańa prezıdenti saılanyp, uıymnyń jańa Jarǵysy qabyldanady dep kútilýde. Ortalyq tekserý alqasynyń esebi tyńdalyp, Ortalyq keńesiniń jańa quramy tanystyrylmaq. Budan ózge Qoǵamnyń jańa baǵdarlamasy men quryltaı qaýlysy qabyldanady dep kútilýde. Uıym jumysyna óz úlesterin qosyp júrgen birqatar azamattar da marapattalmaq.