Túrkistanda medıtsınalyq saqtandyrý júıesiniń jumysy túsindirildi
«Áleýmettik medıtsınalyq saqtandyrý qory» KEAQ Túrkistan oblysy boıynsha fılıalynyń dırektory Ashat Beısenbaev jergilikti turǵyndarmen kezdesip, jańa júıeniń boıynsha mártebesin bilýge múmkindik beretin qural jasaldy. Ashat Beısenbaevtyń sózinshe, atalmysh quraldy elimizdiń kez-kelgen turǵyny paıdalana alady. Fýnktsıonaldy turǵydan alǵanda, qural óte qarapaıym. Qordyń resmı saıty fms.kz arnaıy resýrsyna kirip, ár turǵyn óziniń JSN nómirin engizip, mártebesin bilýine bolady. Kez-kelgen gadjetti qoldanyp, ýaqytty únemdeýge bolady. Eger «saqtandyrylǵan» degen jaýap kelse, onda alańdamaýǵa bolady. Al, eger jaýap «saqtandyrylmaǵan» bolsa, onda sebebin anyqtaý kerek.
Mysaly, azamattyń «jaldamaly jumysshy» degen mártebesi bar jáne ol úshin tólemdi jumys berýshi jasaıdy. Júıe arqyly jumysshy ózi jumys isteıtin uıym ol úshin medsaqtandyrýǵa tólem jasap otyrǵanyn nemese tólemniń jasalmaı jatqanyn anyqtaı alady. «2020 jyldyń 1 qańtarynan bastap Qazaqstanda medıtsınalyq saqtandyrý júıesi bastalady. Osy ýaqytqa deıin barlyq azamattar medıtsınalyq saqtandyrý júıesi aıasynda mártebesiń anyqtap alýy kerek. Mysaly, adamǵa qandaı da bir syrqat boıynsha dıagnoz qoıyldy jáne oǵan medıtsınalyq kómek qajet boldy. Eger ol saqtandyrylmaǵan bolsa, onda bul adamǵa quramyna ýchaskelik dáriger, jedel kómek, shuǵyl statsıonarlyq kómek, áleýmettik mańyzy bar aýrýlar kezinde kórsetiletin medıtsınalyq kómek túrleri kiretin tegin medıtsınalyq kómektiń kepildik berilgen kólemi ǵana kórsetiledi. Al, MÁMS paketi boıynsha beriletin medıtsınalyq kómek túrleri tek saqtandyrylǵan azamattarǵa ǵana qoljetimdi. Osy rette, aldyn-ala kez-kelgen adam óziniń saqtandyrý mártebesiń anyqtap alsa, 2020 jyldan bastap qajetti barlyq medıtsınalyq qyzmetter spektrin alýǵa qol jetkizedi», - dedi fılıal dırektory Ashat Beısenbaev.
Qor ókiliniń aıtýynsha, árbir azamat mindetti áleýmettik saqtandyrý júıesiniń qatysýshysy bolý úshin arnaıy áleýmettik mártebe sanatyna jatatynyn tekserýi kerek.
«egov.kz portalyna ETsQ-men kirip, «Áleýmettik mártebeni tekserý» qyzmetin tańdap, shyqqan jolaqqa JSN engizý qajet. Suraý sońynda portal sizdiń qaı áleýmettik mártebe sanatyna jatatynyńyzdy kórsetedi. Sizge «Jumysker», «Áleýmettik tólemder alýshy», «18 jasqa deıingi balalar», «Ózin-ózi jumyspen qamtýshy», «Zeınetker» mártebeleriniń biri shyǵady. «Mártebe anyqtalmaǵan» degen jaýap berilse, «mártebeni ózgertý» batyrmasyna ótip, anketany toltyrasyz. Mártebeńiz týraly jaýapty memlekettik organ 5 kún ishinde beredi. Áleýmettik mártebeni Telegram-daǵy EgovkzBot 2.0 jáne Facebook messendjeri men VK jelisindegi egov.kz paraǵy arqyly da tekserýge bolady. Sondaı-aq, tegin medıtsınalyq kómektiń kepildik berilgen kólemi jáne mindetti áleýmettik medıtsınalyq saqtandyrý júıesine qatysty suraqtarǵa 1406 baılanys nómirine habarlasa alasyzdar», - dedi fılıal dırektory Ashat Beısenbaev.
