Túrkistanda medıtsına qyzmetkerleriniń dástúrli spartakıadasy ótti
TÚRKІSTAN. QazAqparat - Túrkistan oblysyndaǵy medıtsına qyzmetkerleri arasynda sporttyq saıystar ótti, dep habarlaıdy QazAqparat tilshisi.
Medıtsına qyzmetkerleri aldymen aýdan-qalalarda sporttyń shaǵyn fýtbol, voleıbol men arqan tartý saıystary boıynsha aldyn ala irikteý jarystarynan ótip, aqtyq saıysqa joldama aldy. Jeńgen alty komanda búgin Túrkistan qalasyndaǵy sport kesheninde jarysyp, ózara myqtyny anyqtady. Tartysty da qyzyqty ótken spartakıadada fınalǵa shyqqan komanda músheleri bar kúsh-jigerlerin salyp, sportta da osal emes ekendikterin kórsetti. Saıys qortyndysy boıynsha komandalar arasynda belsendi ári úzdik dep Tóle bı aýdandyq ortalyq aýrýhanasy tanyldy.
Shaǵyn fýtboldan:
1 oryn - Kentaý qalalyq emxanasy
2 oryn - Qazyǵurt aýdandyq ortalyq aýrýxanasy
3 oryn - Tóle bı aýdandyq ortalyq aýrýxanasy
Voleıboldan:
1 oryn - Báıdibek aýdandyq ortalyq aýrýxanasy
2 oryn - Oblystyq psıxıkalyq densaýlyq ortalyǵy
3 oryn - "Atakent" Maqtaral aýdandyq aýrýxanasy
Arqan tartýdan:
1 oryn - Oblystyq týberkýlezge qarsy dıspanseri
2 oryn - Tóle bı aýdandyq ortalyq aýrýxanasy
3 oryn - «Asyqata» Jetisaı aýdandyq aýrýxanasy ıelendi.
Jeńimpaz komandalarǵa «DENSAULYQ» Densaýlyq saqtaý uıymdary jumyskerleriniń jergilikti kásipodaǵy atynan Roza Tańatarqyzy kýboktardy tapsyryp, turmystyq tehnıkalardy tabystady. Medıtsına qyzmetkerleri oblystyq Qoǵamdyq densaýlyq basqarmasy tarapynan alǵys hattarmen marapattaldy.
Aıta keteıik, atalǵan shara medıtsına qyzmetkerleriniń sportqa qyzyǵýshylyǵyn arttyrý men olardyń arasynda salaýatty ómir saltyn ustanýdy nasıhattaý maqsatynda uıymdastyryldy.
