Túrkistanda qyzmet babynda qaza tapqan polıtseılerdiń jubaılary marapattaldy
TÚRKІSTAN. QazAqparat - Halyqaralyq áıelder merekesi qarsańynda qyzmet babynda qaıtys bolǵan túrkistandyq polıtseılerdiń jubaılary men analary marapattaldy, dep habarlaıdy QazAqparat tilshisi.
Túrkistan oblysy polıtsııa departamentiniń bastyǵy, polıtsııa general-maıory Murat Qabdenov qyzmet babynda qaıtys bolǵan polıtseılerdiń jubaılaryn 8 naýryz merekesimen quttyqtady.
«Qyzmetin adal atqaryp, erlikpen qaza tapqan áriptesterimizdi biz eshqashan umytpaımyz. Olardyń erligi árqashan bizdiń jadymyzda!», - degen polıtsııa general-maıory qaza bolǵan polıtseılerdiń jubaılaryna gúl shoqtary men baǵaly syılyq tabys etti.
Іs-sharaǵa qatysqan Dınara Narshabaevanyń joldasy ishki ister salasynda ýchaskelik polıtsııa ınspektory bolyp eńbek etken.
Qyzmet babynda jol apatynan qaza tapqan tártip saqshysynyń sońynda 4 balasy qalypty.
«Polıtsııanyń jumysy óte aýyr. Olar kún-tún demeı kez kelgen ýaqytta jumystan tabylady. Sondyqtan tártip saqshylaryna qurmetim sheksiz», - deıdi ol.
Sondaı-aq, 8 naýryz merekesiniń qarsańynda oblysta qoǵamdyq tynyshtyqty qamtamasyz etip júrgen 30-dan astam shendi arý arnaıy marapatqa ıe boldy.
Olardyń ishinde tergeýshiler, anyqtaýshylar, krımınalıster, jedel ýákilder, ıývenaldyq polıtsııa qyzmetkerleri jáne ýchaskelik polıtsııa ınspektorlary bar.
Qyzmettik mindettin abyroımen atqaryp, quqyqtyq tártipti qamtamasyz etýge qosqan úlesi úshin formaly boıjetkender QR ІІM Qurmet gramotasyna, arnaıy medal men tósbelgilerge ıe boldy.
