Túrkistanda «Qys-2021» komandalyq –shtabtyq jattyǵý ótkizilýde

2021 jylǵy 11-12 qarasha kúni Túrkistan oblysynyń aýmaǵynda azamattyq qorǵaýdyń memlekettik júıesiniń oblystyq kishi júıesiniń basqarý organdary men kúshterin qysqy kezeń jaǵdaıynda tótenshe jaǵdaılardy joıý jónindegi is qımyldarǵa daıarlaý maqsatynda «Qys-2021» respýblıkalyq komandalyq-shtabtyq oqý-jattyǵýy ótýde.

Saǵat 08.00-de «Dabyl-1001» sıgnaly túsken sátte qala, aýdan ákimderine, oblystyq Azamattyq qorǵaý qyzmetterine, mekemeler men tirshilikti qamtamasyz etý nysandaryna jáne «Qys-2021» RKShOJ qatysatyn mekemelerge qabyldanǵan sıgnal jetkizildi.

Oqý-jattyǵý praktıkalyq túrde 112 pýltine jyldamdyǵy 25m/sek daýyldy jel, qatty jaýǵan qar jáne aýa temperatýrasy -30°C áserinen mynadaı habarlamalar túsken:

1-habarlama: «Kentaý-Sholaqqorǵan» oblystyq mańyzdaǵy avtomobıl jolynda muz qatyp, kók taıǵaq, avtokólik keptelisteri oryn alyp, qar qursaýynda 18 jeńil avtokólik, 5 júkkólikteri men 6 avtobýs 240 jolaýshylarymen jolda qalǵan, Aşysaı aýyly mańynda JKO (DTP) oryn alyp, 1 adam zardap shekkendigi týraly;

2-habarlama: Elektr júıelerinde muz qatyp, elektr jelileri úzilip, saldarynan Aşysaı eldi-mekeniniń turǵyndary jaryqsyz qalǵandyǵy týraly;

3-habarlama: Baılanys júıeleriniń stolbylary qulap, baılanys úzilgendigi týraly;

4-habarlama: Aşysaı aýylyndaǵy orta mekteptiń jylytý qazandyǵynda avarııa oryn alyp, mektep jylýsyz qalǵandyǵy týraly habarlama túsken.

Shartty túrdegi oqý-jattyǵý barysynda oryn alǵan tótenshe jaǵdaılardy joıý jumystary júrgizildi.

Saǵat 10.00-de «Qarǵyn-2002» sıgnalyn jáne Túrkistan oblysynyń aýmaǵynda tótenshe jaǵdaılardyń týyndaýy týraly kirispeni alǵannan keıin, qalyptasqan jaǵdaıdy eskere otyryp, oblystyń jáne qalalar men aýdandardyń TJK tóraǵalary tótenshe jaǵdaılardyń saldaryn joıý boıynsha avarııalyq-qutqarý jáne kezek kúttirmeıtin jumystardy uıymdastyrýǵa jáne júrgizýge ókim shyǵarylyp, oryndaýshylarǵa jetkizildi.

Oblystyń Azamattyq qorǵaý qyzmetteriniń kúsh pen quraldary daıyndyqqa keltirilip, shartty túrde oryn alǵan tótenshe jaǵdaılar saldaryn joıý úshin Kentaý qalasy men Sozaq aýdanyna oblys ákiminiń tapsyrmasyna sáıkes, tótenshe jaǵdaı ornynda jedel shtab qurý úshin Departament bastyǵynyń orynbasary jáne oblys ákimdiginiń memlekettik-quqyq bóliminiń basshylyǵymen 6 arnaıy avtokóliktermen marsh jasaý arqyly jolǵa shyqty.

Qazirgi tańda, Kentaý qalasy men Sozaq aýdanynyń Azamattyq qorǵaý qyzmetterimen shartty túrdegi avarııalyq qutqarý jáne kezek kúttirmeıtin jumystar júrgizilýde.

Barlyq qalalar men aýdandarda qaýipti ýchaskeler anyqtalyp, arnaıy-taktıkalyq oqý-jattyǵýlar uıymdastyrylyp ótkizilýde.

Oqý-jattyǵýǵa «Jolaýshylar kóligi jáne avtomobıl joldar basqarmasy tarapynan oblystyq mańyzdaǵy avtomobıl joldaryn qardan tazartýǵa jalpy 114 birlik arnaıy tehnıka (20-avtogreıder, 30 samosval, 14-pogrýzchık, 2 KDM, 4-shnekorotor, 2-býldozer, 16-gazel, 31-traktor, 50-qoǵamdyq kólik), 286 jumysshylar men qar basý qaýipi joǵary ýchaskelerde («Aşysaı», «Odaman bulaq», «Taskómirsaı», «Shybyqbel» asýlarda) 4 jylytý beketteri (60 oryndyq) tósek oryndarmen, azyq túlikpen jáne ınertti materıaldar 1000 m3 qum, 350 tn tuz daıyndyqqa keltirilgen.

Respýblıkalyq avtomobıl joldaryn qardan tazartýǵa jalpy 41 arnaıy tehnıka (5-avtogreıder, 11-KDM, 2-shnekorotor, 8-pogrýzchık, 1-avtobýs, 4-Gazel), 60 jumysshy, ınertti materıaldar 2000 m3 qum, 500 tn. tuz daıyndyqqa keltirilgen.

Oqý-jattyǵý sheńberinde oblystaǵy shartty túrdegi tótenshe jaǵdaılardyń saldaryn joıý boıynsha is-sharalar jalǵasýda.